GünAzTv: İran rejimi bir Molla Bəsicin (hökumət tərəfdarları- yarım silahlı dəstələr) dili ilə Azərbaycan Respublikasının Təbrizdəki konsulluğunun işqalına zəmin yaradır.

Bir neçə ay öncədə bir qrup muzdur Azərbaycanın Təbrizdəki səfirliyi qarşısında iğtişaş yaratmışdılar.

Bu haqda Becani adlı Bəsic Molla İranın xarici işlər nazirinə məktub yazıb. Məktubda Azərbaycan respublikasından siyonistlərin muzduru kimi yad edilir və Azərbaycanın Təbrizdəki konsulluğu casus yuvası adlandırılır.

Becani İran Xarici İşlər nazirinə ünvanladığı məktubda vurqulayır ki, mən bu günə qədər iki dəfə hizbullah ümmətinin tərəfindən Azərbaycanın Təbrizdəki konsulluğunun qarşısında (birinci dəfə sözdə Rafiq Tağının yazısı ilə bağlı, ikinci dəfə isə güya Azərbaycan polisinin matom tutan müsəlmanlara hücum etməsi ilə bağlı) etiraz edib və xəbərdarlıq etmişəm ki, üçüncü dəfə artıq toplaşıb nəsə demək yoxdur. Üçüncü dəfə siyonist casusxanasını (məqsəd Azərbaycanın Təbrizdəki Səfirliyidir) ələ keçirib və ordakıları Təbrizdən çıxaracayıq. İndi isə Həzret-i Fatemeye Zəhra adına məscidin sökülməsi bağışlanılası deyil.

O sonda İran Xarici İşlər nazirliyinə xəbərdarlıq edib ki, xarici siyasətinizi elə tənzimləyin ki, hizbullahçı gənclər və dindar cavanlar bu işlərə müdaxilə etməyə məcbur olmasınlar.