GünAzTv: İran müxalifətinin liderlərindən olan Milli Etimad Partiyasının sədri Mehdi Kərrubinin mənzili yenidən hədəf şeçilib.
Sentyabrın 1-dən 2-nə keçən gecə “Bəsic” (hökumət tərəfdarı könüllülər dəstəsi) üzvü olan mülki geyimli şəxslər Mehdi Kərrubinin mənzilinə hücum çəkiblər.
GünAzTv mətbuat mərkəzinin “Media forum”-a istinadən yaydığı məlumata görə, Hücumçular İranın dini rəhbəri ayətullah Əli Xamneyinin lehinə, Mehdi Kərrubinin əleyhinə kəskin şüarlar səsləndirdikdən sonra evi daşa basıblar. Mənzildəki bütün pəncərələrin şüşələri qırılıb, qapı və divarlara rəng atılıb. Mənzilin binasında quraşdırılmış təhlükəsizlik kameralarını söküb aparan hücumçular Mehdi Kərrubinin Ramazan ayının son cümə gününə düşən “Qüds” günü yürüşünə qatılmasına icazə verməyəcəklərini bildiriblər.
