GünAz TV: Türkiyənin Baş naziri Rəcəb Tayyib Ərdoğanın Türkiyə-Azərbaycan Strateji Əməkdaşlıq Şurasının toplantısında iştirak etmək üçün Azərbaycana səfəri gözlənilir.
Bu barədə Türkiyənin Azərbaycandakı səfiri Hulusi Kılıç jurnalistlərə bildirib.
Qeyd edək ki, Azərbaycan və Türkiyə arasında strateji tərəfdaşlıq və qarşılıqlı yardım haqqında müqaviləni Azərbaycan Prezidenti İlham Əliyev və Türkiyə Prezidenti Abdullah Gül 2010-cu il avqustun 16-da İstanbulda imzalayıblar.
Həmçinin Türkiyənin baş qərargah rəisi – ordu generalı Necdet Özel Azərbaycana rəsmi səfərə gələcək.
Paytaxt Bakıda baş tutacaq səfər çərçivəsində türkiyəli generalın Azərbaycan müdafiə naziri general-polkovnik (sərhəngi-koll) Səfər Əbiyev və digər rəsmilərlə görüşü nəzərdə tutulub. Qeyd edək ki, Necdet Özelin səfəri 7 – 9 fevral (February) tarixlərini əhatə edir.
