Bank Asya 1 Liqasına yüksələn “Göztəpə” futbol klubu yeni mövsüm üçün heyətini gücləndirmək yolunda fəaliyyətə başlayıb. “Göztəpə” təmsilçiləri ölkəmizdən futbolçu transfer etmək üçün Bakıya gəliblər.
Türkiyə təmsilçisinin futbol direktoru Ali Gültikenin ölkəmizə gələrək yerli futbolçulara göz qoyduğu bildirilir. “Göztəpə” klubunun futbol direktoru yığmamızın üzvləri Maksim Medvedyev, Rauf Əliyev və Əfran İsmayılovun oyununu bəyənib.
Türkiyəli nümayəndənin transfer danışıqları üçün futbolçuların şərəfini qoruduğu “Qarabağ” klubu nümayəndələri ilə danışıqlara başladığı yayılan xəbərlər arasındadır. Yaxın günlərdə transfer danışıqlarının nə ilə nəticələnəcəyinə aydınlıq gələcəyi gözlənilir.
