Rusiyanın Olimpiya Komitəsinin prezidenti Aleksandr Jukov Bakıya gəlir. Azərbaycan Gənclər və İdman Nazirliyindən verilən məlumata görə, rusiyalı nümayəndənin ölkəmizə səfəri bu gündən etibarən başlayır.

Səfər çərçivəsində Aleksandr Jukovun sabah Fəxri Xiyabanda Heydər Əliyevin məzarını və Şəhidlər xiyabanını ziyarət etməsi nəzərdə tutulub. Həmin gün Aleksandr Jukov Tennis Akademiyası, Bayraq Meydanı və Müasir İncəsənət Muzeyi ilə də tanış olacaq.

Səfərin 2-ci günü Rusiya Olimpiya Komitəsinin prezidenti Heydər Əliyev Fondunda, “Sərhədçi” İdman Olimpiya Mərkəzində, “Şağan” Olimpiya İdman Kompleksində olacaq, İçəri Şəhərə gəzintiyə çıxacaq.