Almaniya milli komandasının və "Bayern" klubunun hücumçusu Miroslav Klose karyerasını İngiltərə Premyer Liqasında davam etdirə bilər.
Premyerliqa.az xəbər verir ki, "Bayern"dən ayrılacağı gözlənilən Klose ilə İngiltərənin 2 klubu "Everton" və "Tottenhem" komandaları yaxından maraqlanır.
32 yaşlı futbolçunun özü də "Bayern"dən ayrılmaq haqda düşünür. Lakin təcrübəli oyunçu hansı komandaya gedəcəyini hələ dəqiqləşdirməyib. İngilislərlə yanaşı, "Yuventus" və "Valensiya" kimi iddialı klubların da Klose ilə maraqlandığı söylənilir.
Ancaq Klosenin daha çox məbləğ təklif edən kluba keçəcəyi gözlənilir. Klosenin transfer məsələsinə isə yaxın vaxtlarda aydınlıq gələcək.
Qeyd edək ki, 2007-ci ildən "Bavariya"nın şərəfini qoruyan Klose meydana çıxdığı 98 oyunda 24 dəfə fərqlənib.
