Məlum olduğu kimi “Standard” premyer-liqanı tərk etdikdən sonra Azərbaycanın futbolçu bazalarından sayılan Sumqayıt şəhəri təmsilçisiz qalmışdı. Sonradan yaradılan “Sumqayıt” klubu 1-ci divizondakı ortabab çıxışı ilə kifayətlənirdi. Təbii ki, bu komanda yerli futbolsevərlərin istəyini ödəyə bilməzdi.

Artıq sumqayıtlılar sevinə bilər. Premyerliqa.az xəbər verir ki, bu il premyer-liqaya vəsiqə qazanan “Abşeron” klubu 1-ci diviziondakı “Sumqayıt”la birləşəcək. Belədə “Abşeron” Sumqayıtı təmsil edəcək.

Ev meydanı olaraq da “Abşeron” oyunlarını Mehdi Hüseynzadə adına Sumqayıt şəhər stadionunda keçirəcək. Yerli futbolçularla elitaya vəsiqə qazanan Mirbağır İsayevin “Abşeron”a “Sumqayıt”ın heyətində yer alan istedadlı futbolçuları cəlb edəcəyi də deyilir.