GünAzTv: İranın dövlət başçısı Mahmud Əhmədinəjad, ölkəsinin atom enerjisi təşkilatına, Tehrandakı nüvə araşdırma reaktoru üçün zənginləşdirilmiş uranın istehsalının başlanması təlimatını verdiyini söyləyib.

Mahmud Əhmədinəjad İranın Atom Enerjisi təşkilatına uran ehtiyatlarını beş faizdən iyirmi faizədək zənginləşdirilməsini tapşırıb.

Bu sözləri dünən dövlət başçısı Mahmud Əhmədinəjad dövlət telekanalında bildirib.

Eyni zamanda Birləşmiş Ştatların Müdafiə katibi Robert Qeyts (Robert Gates) beynəlxalq ictimaiyyəti İranın nüvə niyyətlərinə son qoymaq üçün ona qarşı təzyiqlərdə birliyə səsləyib.

Qeyd edək ki, Bu uran araşdırma reaktorunu işə salmaq üçün istifadə oluna bilər. İran və dünyanın bir qrup güdrətli dövlətləri BMT-nin təklif etdiyi nüvə razılığını müzakirə etmişdilər. Plan İranın uranının yüksək zənginləşdirilmə üçün xaricə göndərilməsini nəzərdə tutur.

Şərhçilərin fikricə Bu addım İranın Qərblə nüvə mübadiləsi sazişi ehtimalını sübhə altına alır.