گونئي آذربايجان ميللي حرکتي نين تانينميش مدني و سياسي فعالي آيت ‘’ يوروش’’ مهرعلي بيلي 180 گوندن آرتيقديرکي آغير ايشکنجه لر آلتدا تبريز اطلاعات’نين تکنفرليک هوجره لرينده ساخلانيلير. 180 گون مودتينده حتّي عاييله سيله تئلفونلا دانيشماغا بئله ايزين وئرمه ييبلر.
يوروشون گوناهي سويقيريما و ايستئمارا معروض قالميش 30 ميليون گونئي آذربايجان تؤرکلري نين دوغال و اينساني هاقلاريني مودافيه ائتمک و اونون يولوندا سيويل موجاديله دن باشقا هئچ بير شئي دئييل. بو قوتسال اينسان حاقي نين يولوندا موجاديله ني ايندييه کيمي باشارميش و هئچ زامان توتاليتر و راسيستي رئژيمين اييرنج ايستکلري قارشيسيندا بويون اَيمه ميشدير.
او درسيني ميلتي نين قوتسال تاريخيندن، اونون صحيفه لرينده کي موباريز اينسانلاردان او جومله دن بابک، ستتارخان، شيخ محمد، محمد امين، پيشه وري، ائلچي بئي، اماني، چهرقانلی ، متين پور و يوزلرجه موباريز و اؤنجول اينسانلاردان آليبدير. اينام، صداقت، تميزليک، جسورلوق، قورخمازليق، آلچاق کؤنوللولوک، بو موباريزين اينساني اؤزلليکلريندن و ديرلريندن ساييلير. سيياست ساحه سينه گلديکده، چوخ بيلينجلي، دئموکراتييا اينانان، بيرليک سئون، ميللي حرکت ايچينده بوتون فردلرله، قوروپلارلا ايشبيرليک ائدن، دوشونجه لريني پايلاشان، مصلحتلرله آدديملايان بير سياسي فعالدي.
فارس راسيزمي و اونون تمثيلچيلرينن گونئي آذربايجان تؤرکلري نين، ميللي و اينساني هاقلارينا گلديکده بو شخص اؤچؤن گوزشتين و موساليهه نين هئچ بير آنلامي يوخدو. نئجه کي اکبر اعلمي نين پريزدئنتلييه ناميزدليک مسئله سينده بونو آچيقجاسينا گؤرمک اولار.
گونئي آذربايجان ميللي حرکتي نين گئتديکجه گوجلنمه سي، هم ميلت ايچينده و همده قلوبال سوييه سينده گئنيشلنمه سي ميللي شهيدلريميزين، يوروش کيمي، سعيد کيمي و مينلرجه موباريز اينسانلارين و ميللي حرکتين فعاللاري نين دورمادان يورولمادان چاليشمالاري نين نتيجه سيدير. بونون يانيندا ايرتيباط و اينفورماسييا آراجلاري نين، واسته لري نين ميللي حرکته بير کاتاليزور کيمي سورعت وئرمه سي و هيزلانديرماسي قاچيلمازدير و ان اؤنملي عاميللردن ساييلير. ميللي حرکتين بو تور هيزلانماسي و سورعتلنمه سي بوتون دونيادا اولدوغو کيمي ايرانين توتاليتر و راسيستي رئژيمين تشويشه ساليب و غئير عاددي بير قورخو يا فوبيا خسته ليگينه دوچار ائديبدير.
فوبيا خسته ليگي توتاليتر رئژيملرده قيسقانجليق و عاغيلسيزليقلا نتيجله نير. ايران توتاليتر رئژيمينده بو روحسال راحاتسيزليق، خسته ليک، عاغيلسيزليق ميللي هرکته قارشي غئيري اينساني تپکيلرله و اؤزون و گلنکسل دورومون توپلومون مودئرن ايستکلريندن قوروماق اؤچؤن آنتي دئموکراتيک و وحشيجه سينه رئاکسييالار اؤزوندن گؤسترير.
ميللي حرکتين فعاللاري نين بو رئژيم طرفيندن اؤلدورولمه سي، توتولوب حبسه آتيلماسي، ايشکنجه ائديلمه سي فوبيا خسته ليگيندن تؤرنن اييرنج عمل لردي. رئژيمين عاغيلسيز سوروملولاري گرک ايندييه قدر تاريخدن درس آلميش اولايديلار. محمد ریضا پهلويده دئييردي منيم 1 ميليون پروفئسيونال اوردوم وار، سيلاح و عسگري تجهيزات باخيمدان بؤلگه ده کي اؤلکه لر ايچينده بيرينجييم آما سونوندا خالقين دئموکراتيک ايستکلري نين و موباريزه سي قارشيندا ديکتاتور حاکيمييتي چؤکه رک ييخيلدي. او زامان ايرتيباط و اينفارماسييا واسيطه لري بو عصرده کي قدر گوجلو دئييلدي. فارس راسيسمي و اونو تمثیل ائدن توتاليتر رئژيم او زامانا قئدرکي گونئي آذربايجان ميللي حرکتي يايايير و اونون يوروش مهرعلي بيلي ، سعيد متين پور، لطيف حسني، اکبر آزاد، يونس سوليماني، حسين نصيري و مينلرجه ايناملي موباريز اينسانلاري، فئاللاري وار، گونئي آذربايجان تؤرکلري نين ميللي، اينساني هاقلاري نين محو ائديلمه سينه ايزين وئريميه جکلر.
ميللي حرکت و اونون فعاللاري مظلوم آذربايجان ميلتي نين دئموکراتيک ايستکلريندن بير آدديمدا گئري اوتورولمايجاقدير. اَير بيرليگيميز قورونارسا دونيادا اولان بير چوخ توتاليتر رئژيملر کيمي بير گون بو حاکيمييتيده ميلتيميزين الي له چوکدوروب، ييخيب تاريخين زيبيل قوتوسونا آتيلماسي نين شاهيدي اولاجاييق.
سونوندا گونئي آذربايجان تؤرکلري اؤزونو فارس ايستئماريندان و موستملکه چيليگيندن قورتاراجاقدير و دئموکراتيک يوللارلا اؤز موقددراتيني تعيين ائده جکدير.
