ایراندا ماکیاولیسم و شوینیسم شیوه لری ایله موللالار قان توُکور

خالق کوتله لری نین ایش سیزلیگی ، یوخسوللوقو، آجلیقی ، فساد، اعتیاد ، دینی دیکتاتورلارین خئیرینه اوُلار . جامعه ده بئله عمومی فاجعه نی جبّار دیکتاتوُرلار بیلرئک قصدن یارادارلار. چونکی آج محتاج اینسان ایلک باشد اوُزو وعائله سی نین قارنین دوُیورماق اوچون هر بیر ایشه قاتلانار و ایسته مه دن هرجور زوُراکی لیقا تابع اوُلار. بو گوُن تهراندا حوکم سورن موللالار خیلافتی ایلک گوندن همان شیوه ایستفاده اتمیشلر و گون به گون قدارجاسینا داوام اتمئکده دیرلر .

فارس دیلینده یازیلمیش (فرهنگ معین) آدلی کیتابدا جبّار کلمه سینین معناسین آچیقلادیقدا بئله یازیر: (جبّار کلمه سی آللاهین صیفت لریندن بیری دیر) سوُنرا قیسا شرحینده دئیر: جبّارآللاهین صیفت لریندن بیری اوُلدوقو حالدا ، اوُنون أصیل معناسی یعنی : هئرشئییه قادیر و مسلط اوُلماق ،  قودرتلی اوُلماق ، قهار و غضبلی اوُلماق. و نهایتده جبّارتئکببورلوخودخواه رحمسیز اوُلمالی دیر. بونا گوُرادا (ماکیاویلی) یازدیقی (شهریار) آدلی کیتابیندا قدارحاکیم لره نصیحت ائدیب یوُل گوُستریر و اوُنلارا خیطابن بئله دئیر: اوُلکه یه و اوُنون خالقینا مسلط اوُلماق اوچون گئرئک رحم سیز و جبّاراوُلاسیز. چونکی تکجه  قدار و جبّار اوُلماقلا  حاکیمییتی غصب ائدنلر اوُز مقاملاریندا و قودرت ده قالا بیلرلر. خالقا مسلط اوُلماقین گئرئگی اینسانییت دن اوزاق اوُلماق و  بوتون رذیلانه وغیر اینسانی شیوه لردن ایستفاده اتمئکله ، اوُلکه نین بوتون ثروت لرین أله کئچیرمئک لازیم دیر ، جبّار قودرتی أله آلدیقدان سوُنرا اوُزحاکیمییتینه داوام وئریب اوُنو یاشادماق ایسترسه ، گئرئک همان جامعه ده موجود اوُلان بوتون شرور، رحمسیز ، جینایتکار ، اوُغرو ،جاهیل ، قانماز و منطیق سیز عنصرلری اوُز اطرافینا توپلایب ، اوُنلاری مسلح ائدیب بوُیوک مقاملارا منصوب ائدیب  گئنیش ایمکان لار و ایختیارلار وئرمئکله بیرلیکده ، اوُنلارا بوُل بوُل پول وئریب اوُزامرینه تابع اتمئلی دیر، ماکیاول شهریار کیتابیندا قئید ائدیر: جبّارو اوُنون متحد لری و اوُنونلا بیرلیکده حاکیمییته شریک اوُلان تبلیغاتچیلاری ،  یارادیلمیش مسلح قووه لرده خیدمت ائدنلر گئرئک جبّارین أمرلرینه تابع اوُلسونلار،  بو قووه لرده جبـّارا خیدمت ائدن مزدورلارین فیکیر و دوشونجه لرین حاکیمییتین تبلیغاتچیلار گئرئک  سرعتله دئیشدیرسینلر ، یعنی داواملی اوُلاراق اویدوروجو ، ایچی بوُش ، یالان تبلیغاتلار و آردیجیل تعلیماتلار وئرمئکله خیدمت چیلرین  بئین لرین یووُب یاخالایب «شستشوی مغزی» جبّارین قودرتین «عظمتین» اوُنلارین گوُزونده «آللاه » کیمی تانیددیرماقا دایمن دانیشیب تلاش اتمئلی دیرلر، بئله لیکله اوُنلاری(مانقورتلاشدیریب)جبّارین هئربیرسوُزون وأمرلرین«آللاه »هین أمرلری کیمی گوُسترمئلی دیرلر ،

ماکیولی دئیر : تعلیمات گوُرموش و أمره تابع اوُلان مسلح قووه لرین أن واجیب و باشدا گئلن وظیفه لریندن بیری حاکیم اوُلان جبّارین مقامیندان و اوُنون حاکیمییتیندن جیددییت له مدافع اتمئک و بو وظیفه ایله یاناشی ، خالقین خصوصی حئیاتینا مداخله اتمئک ، عائله لری داغیدماق ، نفس لری بوُغماق ،  حاکیمین علیهینه باش قالدیران هئر بیر شخصی گئرئک تام قودرتله و هئچ  رحم اتمه دن اوُلدورولوب محواتمئک لازیم دیر ، جبّارین  اطرافیندا اوُلان رنگارنگ حیله گر همکارلاری  ، خالقی  آلدادماق اوچون داواملی اوُلاراق گئرئک بوُیوک یالانلار دانیشیب وهئچ بیرجینایت دن ، رذالت دن چئکینمه سینلر ، جبارین ایش گذارلاری جامعه نین اخلاقین سارسیدماق اوچون گئرئک خالق کوتله لرینین آراسیندا  یالان دانیشماقی  یالتاق لیقی ، یالوارماقی ، ایطاعت کاراوُلماقی ، دیلنچیلیگی ، خبرچیلیگی اخلاق سیزلیقی رواج وئریب ، قادین و قیزلاری فسادا سوروکلئیب ، جوربه جور فسادلارین جامعه ده یارادیماسینا و خالقین آراسیندا رواج  تاپماسینا  گرئک جهد گوُسترسینلر، بو رژیمین ایشگزارلارینین اوُنئملی وظیفه لردن بیری اوُلدوقدا ، همده خالقین اوُیانیشی نین دیرچئلیشینین قارشی سین شیدت له آلمالی دیرلار، گئنیش خالق کوتله لری نین  آیدینلاشیماسی ، اوُیانیشی جبارین ایقتیداری نین خئیرینه دئییر ، بوناگورادا خالق کوتله لرین گئرئک همیشه جاهیل ، آج  محتاج ، یوخسول ، دیلنچی ، قورخاق ،  ساخلاماق ، چونکی آج ، محتاج ، قورخاق ، یوخسول اوُلمییان و شعورلارین چالیشدیران خالق کوتله لری بیربیرلری ایله گوُروشوب ، دانیشیب دوشونرئک جبّارین ظولم لری علیهینه بیرلئشیب قیام ائده بیلرلر، بئله لیکله جبّارین حاکیمییتی محو اوُلوب آرادان گئدر و سایره لر...

یوخاریدا قئید اوُلونان قیسا مطلب لر(ایتالیالی ماکیاولی ) نین (1469 ـ 1527 ) اینجی ایللرده جبّارلارا وئردیگی نصیحت لردن کیچیک بیر بوُلوم ایدی . آنجاق بو گونوموزده 500 ایل اوُ تاریخدن کئچسه ده ، دوُنیامیزین قورولوشو بوُیوک مقیاسدا دئیشیلیب و جور به جور بوُیوک و کوُکلو حادیثه لرین باش وئردیگی بیر چاقدا ، آنجاق هئله ده بیرچوخ مستبد رژیم لرین دئیشیلمه سی و اوُنلارین یاراددیقلاری توتالیتر قورقو لار محو اوُلوب آرادان گئدیب و اینسان اوُغلو زامان ، زامان باش وئرن حادیثه لرین شاهید اوُلوب ، بوُیوک علمی ، صنعتی ، فلسفی ، تکامول و کشفیات لار نتیجه سینده ، اینسان شعورو گوُن به گوُن داها آرتیق یوکسئلیشه دوغرو گئدیر  ، فیکیر و دوشونجه لرین یوکسئک درجه ده تکامولو ، اینسانلارین آزاد دوشونجه سینه حوُرمت قویماق ، دمکراسی اصول لارینین چیچئک لئندیگی و تکنولوژی علمی نین بوتون دونیادا یاییلدیقی بیر چاقدا ، گوُروروک کی هئله ده «ایران» آدلانان اوُلکه ده حاکیم اوُلان ایسلام رژیمی(ماکیاولی) نین شیطان دوشونجه لرین اوُزونه رهبر توتوب اوُنو گئریجی ایسلام ایرقچیلیقی ایله بیر لئشدیریب ، اوُلکه ده ظولمه ، قدارلیقا ، جبّارلیقا تابع ائدیلمیش  مظلوم ، محروم میللت لرین گئجه گوندوز قانلارین توُکمئکله  اوُز ایقتیدارینا داوام وئرمئکده دیر، ایران آدلانان یئرده  ایسلام رژیمی نین باشچیلاری 33 ایللیک قانلی بلالی جینایت لری ، عمامه لی عمامه سیز  حیله گرلرین ، اوُغرولارین عمل لری واوُنلارین عمدی اوُلاراق یاراددیقلاری جور به جور فسادلار، آچیق آیدین بوتون دوُنیا میللت لرینین گوُزلری اوُنونده دیر، اوُزلری  دفعه لرله دئمیشکن بو گونکو تهران رژیمی (ایسلام ناب محمدی) رژیمی دیر. حادیثه بئله گئتیردی کی بو گون 21 اینجی عصرده 1400 ایللیک داواملی و چئشیدلی یالانلار، حیله گرلیکلر، جهالت وخرافات تهراندا حاکیم اوُلان ایسلام رژیم نین باشچیلاری نین اوُز عمللری و جینایت لری ایله اوستو آچیلاراق ، خالقین تفکورونده فوناتیک دینچیلیگه سوُن قویولسون . نه یاخشی کی بو بالتانی موللا لار اوُزاللری ایله جهالتین کوُکون وُوردولار .

آیدین دیرکی ایران دئیلن یئرده قانلا جینایت له حوکم سورن بو گونکوعمامه لی عمامه سیز راسیست اوُغرولارین ، جبّارلارین خیلافت لرینین سوُنون گوُرمئک ده ، دوُغروداندا چوُخ عبرتلی و تاماشالی اوُلاجاق ،البته کی اوُگوُن چوخدا اوزاقدا دئییر.حسنی مبارکی ، قذافینی گوُردوک ، بشاراسد و تهران موُلالاری نین سرنوشت لرین ده دوُنیا گوُره جئک ، اوُگون چوخدا اوزاق دئیر.

یاشاسین آذربایجان ـ 27/ 10 / 2011 ـ آذرخـش