رافيق تاغي حياتدا “ياخشيليق چلنگي” قويوب گئتدي. مني او قدر چوخ ايستهييردي کي… من هميشه قورخارديم. اوزون چکمز دئيرديم.
اؤز-اؤزومه دئييرديم: “آي آللاه، گؤرهسن آتام مني نييه بو قدر چوخ ايستهيير؟” دوزدور، بلکه ده اورگينيزده دئييرسينيز کي، بو قيز نييه بئله دئيير؟ آتادير دا، هر آتا کيمي او دا قيزيني چوخ ايستهيير. يوخ… آتام مني هر آتانين اؤز قيزيني ايستهديگي کيمي ايستميردي. چووووخ، لاپ چوخ ايستهييردي!
قاتيل!!! سنين ده آتان-آنان وار. گئت اونلارا باخ… فيکيرلش! منيم آتاما ووردوغون بيچاغي خياليندا اؤز آتانا وور! وورا بيلرسن؟ يوخ” بس نيي؟ نييه منيم آتاما ووردون؟ آتامي مندن آييردين…
***
رافيق تاغي – آدين بئله فخردير بيزه. حياتيميز نئجه معنالي، گونلريميز نئجه شن کئچيردي. هميشه ماراقلي احوالاتلار دانيشاردين بيزه. اورگيتهميز آتام منيم.
مکتبه گئدنده آوتوبوسا مينديرردين. تصادوفه باخ… دئييرديم گؤرهسن آتام 11-جي سينيفده ده مني بئله اؤتورهجک؟
همين گون سحر – مکتبه گئتمهميشدن قاباق – دئديم، آتا، داها اؤزوم گئده بيلرم، سنين مني مينديرمگينه احتيياج يوخدور. سنسه منه بئله جاواب وئرميشدين:
- يوخ قيزيم-قوزوم (هميشه بئله دئيردي)، هميشه سني من مينديرجم، من يولا سالاجام، يئري گلس، اينستيتوتا دا آپاريب گتيرجم.
آتام مني هميشه “حکيم اول” دئييردي. “اؤزوموز سني ساخلاياريق، خستلنمريک، سن اينستيتوتا قبول اولارسان، سونرا نه قدر ايستهسن خستلنرسن، سن ده بيزي ساغالدارسان” ،– دئيه بيزي گولدورمهيه چاليشاردي.
منسه دئييرديم کي، آتا، بئله دانيشما، سن هله 100 ايل، اؤزو ده ساغلام حيات ياشاياجاقسان. آما بعضاً دئييرلر کي، نه پيس شئي اولور اولسون، دوشمنه ده آرزولاما.
آما من آتامين قاتيلينه پيس شئيلر آرزولاماقدان اؤزومو ساخلايا بيلميرم…
***
ائه… بيلينمير، دونيا يالاندير، يوخسا دوغرو، وفاسيزدير، يوخسا وفالي… وفاسيزدير! اونا گؤره کي، آتام بير ده گئري قاييتماياجاق! آرادا تسللي تاپيرام، اوردان-بوردان منه تسللي وئرمهيه چاليشانلارين ديليندن ائشيديرم، فيکيرلشيرم… يا بلکه سهو ائديرم… وفاسيز دئييلميش بلک؟!… آتام قاييدا بيلميهجک، دوزدور. آما هئچ کس بو دونياني توتوب دا گئتميهجک… عئيبي يوخ، هئچ اولماسا، بو منه تسلليدير.
***
اورک سيخيلير… کوچهلر سانکي دارالير… اينسانلار قريبلشير… آغلايان کيم، سيزلايان کيم. کيمي اوتوروب درديني دوستونا آچير… کيمي درديني آچماغا دوست تاپا بيلمير… کيمي دوست آختاريشيندا، تانيشيني، ايتميش وثيقه سيني آختارير، کيميسي هئچ اونو دا ائده بيلمير… چونکي آختارماغا دوستو يوخدور. کيمي اؤز رفعتاري، داورانيشي ايله اطرافيندا منفي آورا يارادير، کيميسي ايسه اوزوندهکيچيزگيلردن بئله بيلينير.
حيات غريبه دير. هامي اؤز يئريني لاييقينجه تاپا بيلمير. بعضاً اينسان حياتينا رنگ قاتا بيلمير. عؤمور بويو تنها قالان، گؤزو ياشلي اينسانلار وار…
هئچ کس منيم قاباقدا نه ائدهجگيمي، کيم اولاجاغيمي دئيه بيلمز. حياتدا هر شئي اولا بيلر. من بونو آتامدا گؤردوم. “حياتدا طالعيينله باريش، واخت گهلر، هر شئي دوزهلر” کيمي شابلون سؤزلردن آدام آرتيق بئزير…
آخي سن هاردان بيلرسن کي، من نه ايستهييرم، نه واخت ايستهييرم، نيي، نئج، نه اوچون ايستهييرم؟ توتاق کي، هه… ايستهديگيم بير شئي وار، قايتارارسان من؟ آتامدير… اونو سن منه آرتيق قايتارا بيلمهجگکسن…
قایناق :کولیس . آز
