گونازتيوي: ايران رئژيمي نين فوتبول فئدئراسيونو، 2011-جي ايل اسيا ميلتلري چئمپيوناتيندا سؤزده ميللي تاخيميني (تيم) " فارس شاهزاده لري " آدلانديريب. ايراندا ياشايان ديگر ميلتلري نظره آلمايان، هر فورصتده باريش، بيرليک و برابرليک يئرينه فارس ميلتيني گؤز سوخماغا چاليشان شووينيستلرين بو حرکتي گونئي آذربايجاندا و آذربايجاندان اوزاق ياشايان سويداشلاريميزين آراسيندا گئنيش اعتيراض دوغوروب. دانيمارکا آذربايجانليلاري نين مدنيت اوجاغي و دانيمارکادا ياشايان بير قروپ آذربايجانليلار دا ديگر سويداشلاريميز کيمي ايران رئژيمي نين نؤوبتي عيرقچي سيياستينه اعتيراض ائديبلر. اونلار بيانات ياياراق ايرانين بو حرکتيني شيددتله پيسله ييب و بيرلشميش عرب اميرليگي نين عرب کؤرفزينده کي هاقلي مؤوقئعييني دستکله ديکلريني بيلديريبلر. سويداشلاريميز ايراندا ياشايان باشقا ميلتلردن ده ايران رئژيمي نين بو عيرقچي حرکتينه قارشي رئاکسييا وئره جکلرينه اوميد ائتديکلريني بيلديريبلر. خاتيرلاداق کي، ايران 2006-جي ايل چئمپيوناتيندا دا، سؤزده ميللي تاخيميني " فارس اولدوزلاري " آدلانديرميشدي.
