GünAzTv: Avstraliya İrana ixrac etdiyi məhsullara qadağa qoymaq qərarına gəlib. Bununla bağlı hətta ölkə hökumətində də artıq müzakirələr aparılır. Belə ki, Avstraliya İrana tədarük etdiyi mallarının İslam ölkəsi tərəfindən nüvə proqramının inkişafında istifadə edə biləcəyindən ehtiyatlanır.
GünAzTv mətbuat mərkəzinin ans-ə istinadən yaydığı məlumata görə, Avstraliyanın baş naziri Kevin Rudd hökumətin keçiridiyi iclas zamanı Tehrana ixrac olunan malların yenidən yoxlanılması təklifi ilə çıxış edib. Müzakirələrin sonunda qəbul olunan qətnaməyə əsasən İrana ixrac olunanaq malların ixtisara salınması qərara alınıb, xüsusən də, atom elektrik stansiyalarının soyudulmasında istifadə olunan nasos qurğularının tədarükü ləvğ olunub.
Xatırladaq ki, Avstraliya və Yaponiya nüvədən tərksilah olunma üzrə kommisiyaya sədrlik edən ölkələrdir. Həmin layihəyə əsasən, 2025-ci ilə kimi Yer planeti 90 faiz nüvə arsenalından təmizlənməlidir. Həmçinin Fransa və ABŞ İrana qarşı irəli sürüləcək yeni sanksiyalar layihəsi üzərində işləyir.