GünAzTv: Sabiq baş nazir, İran müxalifətinin əsas lideri, prezidentliyə sabiq namizəd Mirhüseyn Musəvi hakimiyyətin təzyiqlərinə baxmayaraq, tərəfdarlarını etiraz aksiyalarını davam etdirməyə çağırıb.

Mirhüseyn Musəvi bəyan edib ki, dinc etiraz aksiyaları keçirmək İran xalqının hüququdur: “Xalqın hüquqları təmin edilənə qədər dinc mübarizə hərəkatı dayandırılmayacaq. Siyasi həbslər və edamlar qanuna ziddir. İnsan hüquqlarının təmin olunması üçün Konstitusiyanı dəyişmək zəruridir. İran xalqı dinc nümayişlər keçirmək hüququna malikdir”.
Qeyd edək ki, 11 fevralda, İslam inqilabının ildönümündə İran müxalifəti kütləvi aksiyalar keçirməyə hazırlaşır.