Qərbi Azərbaycanda silah-sursat aşkarlanıb

SON XƏBƏRLƏR

Qərbi Azərbaycanda silah-sursat aşkarlanıb

2022.12.27, 13:40

Gunaz.tv

Qərbi Azərbaycan əyalətinin məhkəmə sisteminin başçısı Nasir Ətəbati əyalətdə çox sayda silah-sursat aşkarlandığını deyib.

Onun iddiasına görə, etiraz aksiyaları başlayandan bu günə kimi 1261 ədəd silah, çox sayda mərmi, partlayıcı maddələr və əl qumbaraları açkarlanaraq götürülüb.

Ətəbati bu silahlar və partlayıcı maddələrin ölkədə təxribatlar törətmək məqsədilə istifadə edilməsinin nəzərdə tutulduğunu iddia edib.

Məhkəmə sisteminin başçısı saxlanılanların kimliyi və sayə barədə açıqlama verməyib.

Qeyd edək ki, İran rəsmilərinin ölkədə davam edən kütləvi dinc etiraz aksiyalarını xarici ölkələrə bağlayıb narazıları terrorist kimi qələmə verməklə, onlardan silah-sursat tapılması barədə məlumatlar yaymaqla özünün əməllərinə bəraət qazandırmaqla yanaşı daha amansız repressiyalara hazırlaşdığı ehtimal edilir.

Cavidan