ABŞ-ın daha bir vaksini effektivdir, İran öz vaksinini vurur

2021-06-15 09:33

ABŞ-ın Novavax Inc şirkəti iyunun 14-də bəyan edib ki, onun COVID-19-a qarşı hazırladığı vaksinin effektivliyi 90 faizdən yüksəkdir.

Gunaz.tv Quote | Gunaz article

ABŞ-ın Novavax Inc şirkəti iyunun 14-də bəyan edib ki, onun COVID-19-a qarşı hazırladığı vaksinin effektivliyi 90 faizdən yüksəkdir.


Şirkət Birləşmiş Ştatlarda keçirilən sınaqların son mərhələsindən sonra bildirib ki, onun vaksini xüsusilə də koronavirusun axır vaxtlarda yaranan yeni variantlarına qarşı effektivdir.


Reuters agentliyi yazır ki, ABŞ və Meksikada 30 min könüllünün iştirakilə keçirilən sınaqların uğuru Novavax vaksinin Birləşmiş Ştatlarda və başqa yerlərdə təcili istifadəsi üçün təsdiqinə yol açır.


Bu da deyilir ki, protein əsaslı Novavax-ın koronavirusun asan yoluxan və alimlərin narahatlığına səbəb olan ştamlarına qarşı effektivliyi 93 faizdən yüksəkdir.


Protein əsaslı vaksinlərdə virusun təmizlənmiş hissələrindən istifadə olunur. Bu hissəciklər xüsusilə də boğucu öskürək və kəmərləyici dəmrov kimi simptomların qarşısının alınmasında xüsusi rol oynayır.


Virusun yeni növlərinə qarşı


Reuters yazır ki, bu vaksinin sınaqlarının davam etdiyi bir vaxtda ilk dəfə Britaniyada aşkar olunan Alfa ştammı ABŞ-da ən çox yayılan koronavirus növünə çevrilib.


Bu dövrdə habelə Braziliyada, Cənubi Afrika və Hindistanda yeni virus variantları aşkar olunub.


Novavax vaksini kəskin infeksiya riski olanlarda 91 faiz effektivlik nümayiş etdirib. Ümumilikdə isə bu vaksinin COVID-19-un mötədil və sərt simptomlarının qarşısının alınmasında 100 faiz effektivliyə malik olduğu bildirilir. Novavax ona “tanış olmayan” viruslara qarşı 70 faiz effektivliyə malikdir.


Bu da qeyd olunur ki, Novavax vaksinin yan fəsadları az və zəifdir. Bu vaksin vurulduqdan sonra bəzi adamlarda başağrısı, yorğunluq və yüngül əzələ ağrısı ola bilər.


Novavax ilin üçüncü rübünün sonunadək ayda 100 milyon doza vaksin istehsal etməyi planlaşdırır. İlin sonuncu rübündə isə bu rəqəm ayda 150 milyon dozaya qalxmalıdır.


Şirkətin rəhbəri Stenli Erik iyunun 14-də CNBC kanalına deyib ki, Birləşmiş Ştatlar Novavax vaksinin 110 milyon dozasını yoxsul ölkələr üçün nəzərdə tutulmuş COVAX proqramına ianə edə bilər.


İranın öz vaksini - COVIran Bərəkət


Bu arada İran hökuməti bildirib ki, ölkənin özündə koronavirusa qarşı hazırlanmış vaksin təcili qaydada qeydiyyatdan keçirilib.


İranın səhiyyə naziri Səid Nəməki iyunun 14-də keçirilən mətbuat konfransında deyib ki, COVIran Bərəkət adlanan vaksinin təcili istifadəsinə iyunun 13-dən icazə verilib.


Koronavirus pandemiyasının ən ağır təsirinə məruz qalmış ölkələrdən biri olan İran vaksin idxal etməkdə çətinliklərlə üzləşir.


İran öz vaksinin hazırlanması prosesinə Setad dövlət şirkətində ötən ilin dekabrından başlayıb.


Şirkət IRNA dövlət xəbər agentliyinə deyib ki, vaksinin istehsalına iyunun əvvəllərində başlanıb və indiyədək 3 milyon doza hazırlanıb.


İranda indiyədək koronavirusdan 82 min nəfər vəfat edib, 3 milyondan çox yoluxma qeydə alınıb.


Bəzi beynəlxalq ekspertlər İranın rəsmi göstəricilərinin dəqiq olmaya biləcəyini deyirlər. Onların fikrincə İranda koronavirusa yoluxma və ölüm sayı rəsmi rəqəmlərdən qat-qat çox olmalıdır.


İran rəsmiləri bildirirlər ki, ABŞ sanksiyaları ölkənin 83 milyonluq əhalisinin vaksinasiyasını çətinləşdirib.


İranda fevral ayından bəri 4.3 milyon nəfərə vaksinin ilk dozası vurulub.


İkinci dozanı alanlar 1 milyondan bir qədər azdır. (Azadliq.org)


A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Ombudsman Səbinə Əliyeva Türkiyəyə 100 fidan hədiyyə edib

2021-08-01

gun az article

Ceyhun Bayramov: "Azərbaycan bundan sonra da Türkiyəyə hər cür yardıma hazırdır"

2021-08-01

gun az article

Azərbaycanda daha 671 nəfərdə koronavirusa yoluxma aşkarlanıb, 4 nəfər ölüb

2021-08-01

gun az article

Xuzistanda hüquq mühafizə qüvvələrinin avtomobilinə atəş açılıb: 1 polis əməkdaşı öldürülüb

2021-08-01

gun az article

Tehranda incəsənət xadimlərinin dəvəti ilə Xuzistana dəstək aksiyası keçirilib – VİDEO

2021-08-01

gun az article

Tural Gəncəliyev: “Jirinovski və onun kimiləri yeni reallığı qəbul edə bilmir”

2021-08-01

gun az article

Sabah temperatur 36 dərəcəyə yüksələcək, bölgələrə yağış, dolu yağacaq

2021-08-01

gun az article

1 avqust - Azərbaycan əlifbası və Azərbaycan dili günüdür

2021-08-01

gun az article

İordaniya Suriya ilə sərhədi bağladı

2021-08-01

gun az article

Tokio-2020: Azərbaycanın 3 idmançısı mübarizə aparacaq

2021-08-01

gun az article

Rusiyalı alim: “Kütləvi peyvəndləmə daha təhlükəli infeksiya variantlarının qarşısını alacaq”

2021-08-01

gun az article

Mövqelərimiz Naxçıvan istiqamətində atəşə tutulub

2021-08-01

gun az article

Türkiyədəki yanğınlarla bağlı Diasporla İş üzrə Dövlət Komitəsində “qaynar xətt” yaradıldı

2021-07-31

gun az article

Türkiyə Prezidenti azərbaycanlı yanğınsöndürənlərin gördüyü işlərdən danışdı-VİDEO

2021-07-31

gun az article

Azərbaycan Türkiyəyə sabah helikopter göndərəcək

2021-07-31

gun az article

Ərdoğan: "Azərbaycan Türkiyəyə yanğınsöndürən təyyarə göndərib"

2021-07-31

gun az article

Azərbaycanda son sutkada 633 nəfər COVID-19-a yoluxub, 174 nəfər sağalıb

2021-07-31

gun az article

Əfqanıstanda 60 nəfər selin qurbanı oldu

2021-07-31

gun az article

Türkiyədə meşə yanğınlarından həlak olanların sayı 6-ya çatıb

2021-07-31

gun az article

Azərbaycan Ordusunun hərbi qulluqçusu həlak olub

2021-07-31