GünAzTV: ABŞ Maliyyə Nazirliyi İranın raket proqramı ilə əməkdaşlıq edən və ölkədə insan hüquqlarının kobud şəkildə pozulmasında birbaşa rolu olan 14 fiziki və hüquqi şəxsə sanksiya qoyub. Sanksiyaya məruz qoyulanların siyahısında, İran Məhkəmə Sisteminin rəisi axund Sadıq Laricaninin də adı var.
Məsələ ilə bağlı yanvarın 12-də jurnalistlərə açıqlama verən ABŞ maliyyə naziri Stiven Mnuçin bildirib ki, Amerika hökumətinin barəsində sanksiya qoyduğu şəxslər və şirkətlər, İranın ballistik raket proqramının inkişafına yardım etməkdə, ölkədə insan hüquqlarının kobud şəkildə pozulmasında birbaşa rol oynamaqda təqsirləndirilir: “Bu gün biz, İran əhalisinin iqtisadi refah və səviyyəsini yaxşılaşdırmaq əvəzinə, ölkənin ballistik raket proqramının inkişaf etdirilməsinə və bölgədə sabitliyin pozulmasına üstünlük verən şəxs və şirkətləri hədəfə almışıq”.
İran Məhkəmə Sisteminin rəisi, axund Sadıq Laricani
Amerika hökumətinin sanksiyalar siyahısında yer alanlar isə bunlardır: İran Məhkəmə Sisteminin rəisi axund Sadıq Laricani, Kərəcin Gövhərdəş zindanının rəisi Qulamrza Ziyayi, “Sepah”ın kiber müdafiəsi təşkilatı, İranın ali virtual aləm Şurası və milli virtual aləm mərkəzi, Malayziyada fəaliyyət göstərən “Moci səbz” kommunikasiya Şirkətinin rəsmisi Murtuza Rəzəvi, İran helikopterlərinin təmiri ii ilə məşğul olan şirkət (Penha), İran Aviasiya Sənayesi Şirkəti, Çin vətəndaşı Şi Yuhava və İranın Çində fəaliyyət göstərən bir neçə digər şirkəti.
A.M
