GünazTV: ABŞ-ın Maliyyə Nazirliyi martın 22-də İranın Müdafiə Nazirliyinin raket və nüvə proqramı ilə əməkdaşlıq edən 14 İran vətəndaşına və 17 quruma sanksiya qoyub.
ABŞ-ın maliyyə naziri Stiven Mnuçin yaydığı bəyanatda bildirib ki, sanksiyaya məruz qalan şəxslər və qurumlar, İranın Müdafiə Nazirliyinin nəzdində fəaliyyət göstərən “Müdafiə İnnovasiya-Araşdırmalar Təşkilatı (Sepənd) ilə əlaqədə olan və onunla əməkdaşlıq edən İran vətəndaşları və qurumlarıdır: “Amerika istənilən səviyyədə “Sepənd” təşkilatı ilə əlaqədə olan, İran rejiminin müdafiə proqramına dəstək verən bu şəxslər və qurumlara qarşı kəskin addım ataraq, onlara sanksiya qoyub”.
Bəyanatda, ABŞ Maliyyə Nazirliyinin barələrində sanksiya qoyduğu 14 İran vətəndaşının adları da açıqlanıb: Calal İmami Qara Hacilu, Əsğər Haşimi Təbar, Mehdi Məsumiyan, Məhəmmədrza Mehdipur, Əkbər Mütəllibizadə, Məhəmmədcavas Səfəri, Mənsur Əsgəri, Məhəmməd Mehdi Daimi Əttaran, Ruhullah Qadiri Bərmi, Səid Borci, Rza İbrahimi, Qulamrza İtaəti, Məhəmmədhüseyn Həqiqiyan və Möhsün Şəfayi.
Həmçinin, ABŞ Maliyyə Nazirliyinin sanksiyalar siyahısına saldığı iranlı qurumlar bunlardır: Kimiya Pəxş Şərq, Pərdis şirkəti, Elektro Saman Niru, “Sədra” Araşdırmalar Mərkəzi, “Avini” qrupu, “Babayi” qrupu, “Çəmran” qrupu, “Fəxxar Müqəddəm” qrupu, “Kərimi” qrupu, “Kazimi” qrupu, “Müvəhhid Daniş” qrupu, “Şokri” Elm və Texnologiya üzrə Tədqiqat Mərkəzi, “Zeynəddin” qrupu, “Əbu Reyhan” qrupu, “Buəli” qrupu, “Heydər-i kərrar” qrupu, “Şeyx Bəhai” Elmi-Araşdırmalar Mərkəzi.
ABŞ-ın maliyyə naziri Stiven Mnuçin
A.M
