O deyib ki, İsrail ordusu ABŞ prezidenti Co Bayden hökumətinin xəbəri olmadan lazım gördüyü təqdirdə təkbaşına İranın nüvə təsisatlarına hücum edə, zərbələr endirə bilər.
“İsrail ordusunun İranın nüvə mərkəzlərinə hücum etmək üçün kifayət qədər hərbi gücü və qabiliyyətləri var. Hərbi güc dedikdə isə, İsrail ordusunun hərbi baxımdan elə qabiliyyətləri var ki, hətta bir sıra hərbi ekspertlər də onu təsəvvür edə bilməzlər.
Bir daha bildiririk ki, biz öz milli təhlükəsizliyimizi qorumaq üçün Aerikanın xəbəri olmadan da İrana hücum edə bilərik.
Daha doğrusu, İsrailin hər hansı bir təhdid və ya təhlükədən özünü müdafiə etmək məqsədilə İrana hücum etmək üçün heç kəsdən icazə almağa ehtiyacı yoxdur”, -deyə İsrailin xarici işlər naziri Yair Lapid bu ölkənin “Şəbəkə 12” telekanalına açıqlamasında bildirib.
Xatırladaq ki, bundan əvvəl İranın heç vaxt nüvə silahına yiyələnməsinə imkan verməyəcəklərini bildirən İsrail rəsmiləri dəfələrlə xəbərdarlıq edərək bildiriblər ki, Vynada İranla aparılan nüvə danışıqları uğursuz alınacağı təqdirdə bu ölkəyə qarşı hərbi hücum seçimini gündəmə gətirəcəklər.
A.M
