Fars əyaləti valisinin su qıtlığı və hicabla bağlı çıxışı narazılıq doğurdu

SON XƏBƏRLƏR

Fars əyaləti valisinin su qıtlığı və hicabla bağlı çıxışı narazılıq doğurdu

2022.07.05, 04:58

Gunaz.tv

İranlılar valinin çıxışını əhaliyə, xüsusilə su çatışmazlığından əziyyət çəkən bölgələrin insanlarına qarşı təhqir kimi dəyərləndirib, onu vətəndaşların dini inanclarından su-istifadə edərək məsuliyyətini yerinə yetirməməkdə ittiham ediblər.

"Əyalətin cənub bölgəsinin su və yol probleminin həlli indiki büdcə ilə 400 il çəkə bilər. Əsas hicabsızlıq probleminin həllidir və bu cari ay ərzində tamamilə həll olunmalıdır"-deyə, Fars əyalətinin valisi Məhəmmədhadi İmaniyyə çıxışında bildirib.

Bir sıra sosial media istifadəçiləri valinin çıxışının yanlış anlaşıldığını bildirib, onun hökumətin vacib problemlərin həllinə əhəmiyyət verməməsini guya sətiraltı tənqid etdiyini yazıblar.

Qeyd edək ki, son günlər İran hökuməti bütün dövlət idarələri və ictimai yerlərdə hicabsızlığıa qarşı yeni tədbirlər başlamaqla yanaşı kişilərin geyim və zahiri görünüşlərinə nəzarət edən "əxlaq polisi" yaradıb.

Yeni qaydalara görə, kişilər Qərb geyim mədəniyyətin sayılan qalstuk, kəpənək qalstuk, dar və qolu qısa köynək, cırıq və yamaqlı şalvar geyə və zinət əşyalarından istifadə edə bilməyəcəklər.

Sivil geyimli "əxlaq polisləri" bütün dövlət idarələrində, şirkətlərdə, klinikalarda və ictimai yerlərdə buna nəzarət edəcək və qaydaları pozanları cəzalandıracaqlar.

Cavidan