SON XƏBƏRLƏR

Taliban İrana səsləndi: “Əgər inklüziv hökumət qurmaq yaxşıdırsa, bəs özünüz niyə bunu etmirsiniz”

2021.11.04, 10:39
Taliban İrana səsləndi: “Əgər inklüziv hökumət qurmaq yaxşıdırsa, bəs özünüz niyə bunu etmirsiniz”

Gunaz.tv

Ötən həftə Tehranda Əfqanıstan qonşularının nümayəndələrinin iştirakı ilə keçirilən konfransın sonunda qəbul edilən bəyanatda İran rejimi Əfqanıstanda bütün siyasi cərəyanları, eləcə də milli və dini azlıqları  təmsil edə biləcək inklüziv bir hökumətin qurulmasının vacib olduğunu vurğulayıb.


İranın bu bə bəyanatının səsləndirilməsindən sonra Taliban hökumətinin rəsmisi Şəhab Lival mediaya açıqlamasında İran rejiminin bu təklifinə kəskin cavab verib.


“Əgər bütün siyasi qrupları, dini və milli azlıqları təmsil edən inklüziv bir hökumət qurmaq yaxşıdırsa, bəs o zaman özünüz niyə belə bir hökumət qurmursunuz?


Niyə milli və dini azlıqların, o cümlədən də kürdlərin, lorların, bəluçların və digər etniklərin, eləcə də sünnilərin hüquqlarını pozur, diktaturanı ölkyə hakim etmisiniz?”


Görəsən İranın özü niyə inklüziv hökumət qurmur və ölkə əhalisinin 40-50 faizini təşkil edən sünnilərdən hökumətdə niyə istifadə etmir?”. -deyə Taliban hökumətinin İnformasiya Nazirliyinin mədəniyyət komissiyasının üzvü Şəhab Lival bildirib.


Taliban rəsmisi daha sonra İran rejimini qonşusu olan Əfqanıstana qarşı nifaq siyasəti yürütməkdə və riyakarlıqda günahlandırıb.


“İran rejimi bir tərəfdən anti-Qərb siyasəti yeritdiyini iddia edir, digər tərəfdən də Qərbin Əfqanıstandakı əlaltılarını dəstəkləyir”, -deyə Şəhab Lival vurğulayıb. 


A.M

SEÇİLMİŞ XƏBƏRLƏR

Çox oxunanlar