Sakinlər millət vəkilinin onların problemləri ilə maraqlanmadığını bildiriblər.
Kənd əhalisi 4 aydır torpaq sürüşməsi nəticəsində 300-dən çox ailənin yaşadığı kəndin yolunun bağlandığını, ətraf mühitdən təcrid olunduqlarını bildiriblər.
Sakinlər təəssüflə qeyd edib ki, hökumət bununla bağlı heç bir tədbir görməyib.
“Bu müddət ərzində problemlə bağlı şəhər və əyalətin əlaqədar qurumlarına etdiyimiz müraciətlərə heç bir əhəmiyyət verilməyib”-deyə, kəndlilər hökumətin onları unutduğunu qeyd ediblər.
Dövlət qurumlarının tədbir görəcəyindən ümudlərini kəsən kənd əhalisi yüngül qazıntı alətləri ilə özləri yolun açılması üçün çalışmağa başlayıblar.
Qeyd edək ki, Xalxal ən geri saxlanılmış Güney Azərbaycan bölgələrindən biri hesab edilir.
Bundan öncə bununla bağlı bölgənin İran parlamentindəki nümayəndəsi Qəni Nəzəri də danışmağa məcbur olub.
İran parlamentində ərdəbilli nümayəndələr fraksiyasının başçısı Seyid Qəni Nəzəri oktyabrın 28-də Həştcin şəhərinin 15 kilometrliyində yerləşən və Qızılözən çayı üzərində tikilməli olan “Kəmər” körpüsünün bölgə kəndlərinin əhalisi üçün vacib layihələrdən biri olduğu halda 13 ildir yarımçıq qaldığını deyib.
Nəzəri bununla yanaşı bölgə kəndlərinin yol və infrastruktur baxımından diqqətdən qıraqda qaldıqlarını, son 20 ildə bu problemlərin həlli ilə bağlı heç bir iş görülmədiyini bildirib.
“Xalxalda övcud olan mədənlərdən istifadə edildiyi halda bölgə kəndlərinin yol və infrastrukturunun qurulması üçün heç bir vəsait ayrılmır”-deyə, Seyid Qəni Nəzəri əlaqədar qurumları tənqid edib.
C.E
Qəni Nəzəri
