İranın hərbi gücünün yüksək olduğunu iddia edən ali rəhbərin Həmədan əyalətinin “Ənsar əl-Hüseyn” korpusundakı nümayəndəsi Hüseyn Əliyi deyib ki, İsrail Amerikanın bölgədəki məğlubiyyətindən sonra onun yerinə doldurmaq üçün İranın şimal-qərb sərhədlərində yerləşmək arzusundadır.
"İran buna imkan verməyəcək"-deyə, o, bildirib.
Xamneyinin nümayəndəsi İran rəsmilərinin ənənəvi çıxışlarını təkrar edərək ölkənin şimal-qərbində sərhədlərin dəyişdirilməsinə imkan verilməyəcəyini deyib.
“Düşmən İranın raket və artilleriya gücünü bildiyi üçün hücum etməkdən çəkinir. Türkiyə və Azərbaycan bilməlidir ki, Qərb ölkələrinə inanıb və onların bölgədə yerləşmələrinə şərait yaradacaqları təqdirdə Əfqanıstanın taleyini yaşayacaqlar”-deyə, Hüseyn Əliyi bildirib.
O, Azərbaycan və Türkiyənin Zəngəzurda dəhliz yaradacaqları halda İranın yalnız iqtisadi ziyan görəcəyini söyləyib.
“Ancaq onlar bunun qarşılığında ağır və sarsıdıcı cavab alacaqlar”-deyə, o, bildirib.
Hüseyn Əliyi düşmənlərin İranın şimal-qərb sərhədləri və Qafqaz bölgəsində sionizmin dirçəlişinə çalışdıqlarını iddia edib, onların buna nail ola bilməyəcəklərini deyib.
C.E
