Amerika müttəfiqləri ilə Asiyada yeni raketlərin yerləşdirilməsini müzakirə edir

SON XƏBƏRLƏR

Amerika müttəfiqləri ilə Asiyada yeni raketlərin yerləşdirilməsini müzakirə edir

2021.10.20, 07:36

Gunaz.tv

GünAz TV: “Rəsmi Vaşinqton müttəfiqləri ilə Asiya-Sakit Okean bölgəsinə yeni raketlərin yerləşdirilməsi imkanlarını müzakirə edir”.

"Report" "Associated Press"ə istinadən xəbər verir ki, bunu Amerika Birləşmiş Ştatları (ABŞ) Dövlət Katibinin silahlara nəzarət və beynəlxalq təhlükəsizlik üzrə köməkçisi Andrea Tompson bəyan edib.

Onun sözlərinə görə, orta mənzilli raketlərin yerləşdirilməsi barədə qərar bölgə ölkələrinin liderləri tərəfindən veriləcək, çünki bu qərar dövlət başçılarının suveren hüququdur.

“Bu bölgə ilə bağlı hər hansı bir qərar müttəfiqlərimizlə məsləhətləşmələr çərçivəsində veriləcək. Bu, ABŞ-ın birtərəfli qərarı deyil” deyə, o bildirib.

N.S