Asimilasyon siyasəti daha da güclənir: Qeyri-fars uşaqlar üçün 4 yaşından məcburi olaraq fars dili tədris olunacaq

23.04.2019, 15:35

GünAz TV: İranın təhsil nazirinin müavini qeyri-fars bölgələrində iqtisadi və mədəni imkanların az olduğunu etiraf edərək bu məntəqələrdə uşaqlara 4 yaşından məcburi olaraq fars dilinin tədris olunacağını bildirib.

 

Bu barədə təhsil nazirinin ibtidai təhsil üzrə müavini xanım Rizvan Həkimzadə “Mehr” xəbər agentliyinə danışıb.

 

Birinci sinfə daxil olan qeyri-fars uşaqların “fars dilində söhbətləri anlamaqda problem yaşadıqlarına” diqqət çəkən Rizvan Həkimzadə bunu ana dilində təhsil almamaqla deyil, fars dilini bilməməklə əlaqələndirib.

“Qeyri-fars bölgələrdəki təhsil uğursuzluğu uşaqların daha az zəkalı olduqlarından deyil, bu onların dili  anlamadıqları ilə bağldır. Hətta onların bəziləri bu səbəbdən məktəbi tərk edir. Əgər uşaqların məktəbi buraxmasını istəmirik, onların uğur qazanmasını istəyiriksə, o zaman bunun üçün tədbir alınmalıdır. Ona görə də gələcək təhsil ilindən etibarən yoxsul qeyri-fars bölgələrdə uşaqları iki il öncədən, yəni 4 yaşlarında məktəbəqədər proqramlara göndərmək qərarına gəldik.”-deyə o bildirib.

 

Nazir müavini imkansız qeyri-fars bölgələrində yaşanan bəzi problemləri etiraf edib. O bildirib ki, bu bölgələrdə ailələrin iqtisadi və mədəni imkanları olduqca məhduddur. Həmin məntəqələrdə bəzi uşaqlar məktəbə qədər əlinə bir dəfə də kitab almayıb. Onların film seyr etmək, kinoteatra getmək və s. kimi mədəni təcrübələri də olmaya bilər. Ona görə də onlar birinci sinifə gedəndə digər şagirdlərlə bərabər şəraitdə olmur. İkidilli bölgələrdə ən azı uşaqlar fars dilini anlamaqda çox çətinlik çəkir. Biz birinci sinifdən əvvəl bu uşaqları hazırlamasaq, bu onların təhsildə uğur qazanmasını təhlükə ilə üz-üzə qoymaq deməkdir.

 

Təhsil Nazirliyinin rəsmisi büdcə və maddi imkanların məhdud olduğuna diqqət çəkərək, proqramın indilik yoxsul bölgələrdə həyata keçiriləcəyini açıqlayıb.

 

Rizvan Həkimzadə bu istiqamətdə “qanuni dəyişikliklərin” həyata keçirilməsinin zəruri olduğunu qeyd edib.

 

Yeni proqramın türklər və digər qeyri-fars millətlərinə qarşı asimilasyon prosesini sürətləndirmək istiqamətində həyata keçirilməsi kimsədə şübhə doğurmur.

 

Ötən il iyul ayında İranın Təhsil naziri Məhəmməd Bəthayi şagirdlərə qeyri-fars dillərində dərs keçməyin qadağan olduğunu vurğulayaraq məktəblərdə fars dilinin tədris olunması məsələsini “sistemin qırmızı xətti” adlandırmışdır. Nazirin irqçi açıqlaması Azərbaycan türklərinin müxtəlif formalarda etirazına səbəb olmuşdur.

2009-2013-cü illər arasında İranın təhsil naziri olmuş Həmidrza Hacıbabayi isə ölkədə məktəb şagirdlərinin 70 faizinin ana dilinin fars olmadığını açıqlamışdır.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

“İranda səfalətin əsas səbəbi sanksiyalar deyil, yanlış siyasətdir”- Əhməd Obalı Amerikanın CBS televiziyasına  müsahibə verib

2022-05-22

gun az article

Güney Azərbaycanda şovinist fars hakimiyyətinə qarşı "May qiyamı"dan 16 il ötür

2022-05-22

gun az article

İranda təqaüdçülərin həftəlik etiraz aksiyası keçirilir

2022-05-22

gun az article

Təbriz bazarı ərazisində tarixi yerin aşkarlanmasına baxmayaraq tikinti əməliyyatı dayandırılmır-VİDEO

2022-05-22

gun az article

Ruzbeh Piriyə magistr imtahanlarına qatılmağa icazə verilmədi

2022-05-21

gun az article

Əhərdə tətil aksiyası keçirilib

2022-05-21

gun az article

"Traxtur" azarkeşlərini təhqir edən "Persepolis" futbolçuları məhkəməyə verilib

2022-05-21

gun az article

Vali Tehran komandasının hərəkətlərini qeyri-etik adlandırıb

2022-05-21

gun az article

İran milli komandasının türk idmançısı İngiltərəyə sığınır

2022-05-21

gun az article

İran parlamentinin üzvü türkləri təhqir etdi

2022-05-21

gun az article

Günaz.TV-də müzakirə: “Traxtur”un oyununda nələr baş verdi” və “Güney Azərbaycan azadlıq hərəkatının tələbləri”-VİDEO

2022-05-21

gun az article

“Mis-i Süngün” taekvando komandası Premyer Liqanın qalibi olub

2022-05-21

gun az article

Tanınmış hüquq müdafiəçisi İrana qarşı daha sərt tədbirlər görməyə çağırıb

2022-05-21

gun az article

Güney Azərbaycan təşkilatları 22 may hadisələrinin 16-cı ildönümü ilə bağlı bəyanat yayıb

2022-05-20

gun az article

Əyyub və Davud Şiri qardaşları ETTELAAT-ın təcridxanasında saxlanılırlar

2022-05-20

gun az article

Təbriz stadionunda Azərbaycan bayrağı qaldırılıb-VİDEO

2022-05-20

gun az article

"Süngün mis mədəninin gəlirləri talanır"- Millət vəkili

2022-05-20

gun az article

"Traxtur" futbol klubu son qarşılaşma ilə bağlı bəyanat yayıb

2022-05-20

gun az article

İbrahim Rəisi Qərbi Azərbaycan əyalətinə səfər edib

2022-05-20

gun az article

"Əhmədrza Cəlali girov götürülüb"- Beynəlxalq Əfv Təşkilatı güneyli alimlə bağlı bəyanat yaydı

2022-05-20