Avropa İttifaqı qaçqınların deportasiyası ilə bağlı qaydaları sərtləşdirir

SON XƏBƏRLƏR

Avropa İttifaqı qaçqınların deportasiyası ilə bağlı qaydaları sərtləşdirir

2021.10.20, 07:36

Gunaz.tv

GünAz TV: Avropa İttifaqının (Aİ) Şurası daxili işlər nazirləri səviyyəsində cümə günü miqrantların qaytarılması haqqında direktivanı bir daha nəzərdən keçirməklə bağlı razılıq əldə edib.

Oxu.Az-ın məlumatına əsasən, Aİ düşünür ki, miqrantların geri qaytarılmasının effektliyinin artırılması kontrabandçıların biznes-modelinin sındırılmasının ən yaxşı yoludur.

Beləliklə, sığınacaq axtaranların imtina cavabı aldıqdan sonra digər Aİ ölkələrinə keçə və ya gizlənə bilməmələri üçün deportasiya dustaqxanasında saxlanılmanın minimal müddəti üç ay təşkil edəcək. Deportasiya dustaqxanalarında saxlanılmanın maksimal müddəti isə altı ay, xüsusi hallarda isə bir ilə qədər təşkil edə bilər.

Son tədbir kimi bu cür miqrantların “istənilən təhlükəsiz üçüncü” ölkəyə göndərilməsi də nəzərdə tutulur.

Qeyd edək ki, Aİ Şurası bir daha nəzərdə keçirilmiş direktivanı Avropa Parlamenti ilə razılaşdırmalıdır.

N.S