SON XƏBƏRLƏR

Bayden: "Suriyada İrana bağlı qruplara qarşı əlavə tədbirlər görməyə hazırıq"

2022.08.26, 05:18
Bayden: "Suriyada İrana bağlı qruplara qarşı əlavə tədbirlər görməyə hazırıq"

Gunaz.tv

Bayden məktubunda ölkəsinin lazım gələrsə, Suriyada İrana bağlı qruplara qarşı əlavə tədbirlər görməyə hazır olduğunu qeyd edib.
  
Co Bayden son günlərdəki hücumların onun əmri ilə Amerika personalının təhlükəsizliyini qorumaq və müdafiə etmək üçün edildiyini, həmçinin silahlı qruplaşmaların hazırkı silsilə hücumlarını zəiflətmək və pozmaq üçün edildiyini vurğulayıb.

Amerika prezidenti bəyan edib ki, bu həmlə İran İslam Respublikası və İranın dəstəklədiyi milis qruplarının növbəti hücumlarının qarşısını almaq məqsədilə həyata keçirilib.

Qeyd edək ki, Amerika Mərkəzi komandanlığının məlumatına görə, bu ölkə 23 avqustda İran rejiminin dəstəklədiyi qrupların Amerika personalını 15 avqust hücumu kimi təhlükələrdən müdafiə etmək və qorumaq üçün İranın Suriyadakı silahlı qruplaşmalarının mövqelərinə zərbələr endirib.

Co Bayden Amerika Konqresinə yazdığı məktubda bu hücum üçün əmrin verilməsinin onun Amerika vətəndaşlarını daxildə və xaricdə qorumaq məsuliyyətinə uyğun olduğunu və ölkəsinin milli təhlükəsizliyinin və xarici siyasət maraqlarının irəliləməsinə uyğun olduğunu vurğulayıb. 

Amerika prezidenti bəyan edib ki, özünümüdafiə hüququndan istifadə edərkən BMT Nizamnaməsinin 51-ci maddəsinə və digər beynəlxalq qanunlara uyğun olaraq bu zəruri və münasib addımı atıb.

Co Bayden ABŞ-ın başqa təhdid və ya hücumlarla mübarizə aparmaq üçün zəruri və uyğun olarsa əlavə tədbirlər görməyə hazır olduğunu qeyd edib.

Qeyd edək ki, Baydenin məktubu ilə eyni vaxtda Amerika qüvvələri İranın Suriyanın şimal-şərqində yerləşən qruplaşmalarının mövqelərinə üçüncü dəfə olaraq hava zərbələri endiriblər.

Son hücumda 4 yaraqlının öldürüldüyü, bir neçə hərbi texnikanın məhv edildiyi bildirilir.

Cavidan

SEÇİLMİŞ XƏBƏRLƏR

Çox oxunanlar