SON XƏBƏRLƏR

“Birinci Sulduz Aşıq Festivalı” keçirilib – VİDEO

2021.10.20, 07:36
“Birinci Sulduz Aşıq Festivalı” keçirilib – VİDEO

Gunaz.tv

GünAz TV: Güney Azərbaycanın Sulduz şəhərində “Birinci Sulduz Aşıq Festivalı” keçirilib.

 

Martın 12-də keçirilən festivalda bir çox insan, o cümlədən şair İsfəndyar Feyzipur (Dəyirmançı Oğlu), yazıçı Məhərrəm Pərizad və tanınmış ziyalı Sirus İntixabi  kimi ictimai xadimlər tamaşaçı qismində iştirak edib.

 

Festivala çox sayda sulduzlu aşıq qatılıb, onların çıxışı şəhər əhalisi tərəfindən böyük rəğbətlə qarşılanıb.

 

Azərbaycanlı sosial şəbəkə istifadəçiləri festivalın keçirilməsini alqışlayaraq onu Sulduz üçün möhtəşən bir gecə kimi qiymətləndiriblər.

 

Festivalda bölgənin məşhur “Tovlama” mahnısı aşıq Məhəmmədəli Mahmudi, aşıq Rza Puyəndə və aşıq Əli İsfəndyari tərəfindən oxunub, onların çıxışı tamaşaçıların böyük rəğbətini qazanıb.

 

https://www.youtube.com/watch?time_continue=15&v=8UcVAe9n0UE

 

Türk dünyasında “aşıq”, “ozan”, “bamsı” və “baxşı” adı ilə tanınan saz-söz adamları türk millətinin qədim mədəniyyəti və ənənələrinin qorunub saxlanılmasında hər zaman böyük rol oynayıb. Aşıq sənəti Güney Azərbaycanda bütün basqılara rəğmən bu günə qədər qorunub saxlanılıb və inkişaf etməkdədir.

 

N.S

SEÇİLMİŞ XƏBƏRLƏR

Çox oxunanlar