Bu dəfə Ettelaat İdarəsi qondarma “Urmiyə Əyaləti” sözünü işlətdi!

SON XƏBƏRLƏR

Bu dəfə Ettelaat İdarəsi qondarma “Urmiyə Əyaləti” sözünü işlətdi!

2021.10.20, 07:36

Gunaz.tv

GünAz TV: İranın kütləvi etiraz aksiyalarına bürünməsindən vahiməyə düşən Qərbi Azərbaycan Əyalətinin Ettelaat İdarəsi, SMS vasitəsi ilə əhalini təhdid edərək aksiyalardan uzaq olmağa çağırıb.

Ettelaat, kütləvi etirazları məhdud və “sendika tələbləri” kimi qələmə verərək aksiyaların qanunsuz və qadağan olduğunu elan edib.

Ettelaat İdarəsi SMS mətninin sonunda kürd terror qruplaşmalarının plan və fəaliyyətlərinə uyğun olaraq Qərbi Azərbaycanı “Urmiyə Əyaləti” adlandırıb.

Azərbaycan ərazisinin başqa adla adlandırılması PKK və “Pejak” kimi kürd terror qruplaşmalarının köhnə arzusudur. Onlar Azərbaycan torpaqlarını ələ keçirmək məqsədi ilə ona tarixi əsas yaratmağa çalışır, bu məqsədlə bölgənin müxtəlif şəhərlərinə kürd dilində qondarma adlar verir, Azərbaycan sözünü isə unutdurmaq istəyirlər. İran rejiminin rəsmi orqanları isə bölgənin kürdləşdirməsi ilə bağlı həyata keçirilən bütün planlara müxtəlif formalarda dəstək verir. Bölgədə coğrafi adların dəyişdirilməsi nəzərdə tutulan dəstək proqramının tərkib hissəsidir.

N.S