Mədənçilər Zənganda tarixi dəyəri olan mağaranı dağıdır

SON XƏBƏRLƏR

Mədənçilər Zənganda tarixi dəyəri olan mağaranı dağıdır

2021.10.21, 12:06

Gunaz.tv

Məlumata görə, mədənçilər Zəngan əyalətinin Xudabəndə bölgəsində yerləşən və ekoloji əhəmiyyətə malik olan Zərənava mağarasında qazıntılar aparmağa başlayıblar.

Onlar mağaraşünaslıq üzrə işçi qrupunun icazəsi və rəyi olmadan yeni mədən fəaliyyəti üçün mağarada qazıntılar aparır, nümunələr götürür və tarixi məkanı məhv edirlər.

Zərrinrud Şəhər Şurasının başçısı Şəhriyar Bəglu bununla bağlı İran Mağaraşünaslıq Dərnəyinin İdarə Heyətindən başçısından məsələ ilə bağlı tədbir görməsini və mağaranın dağıdılmasında rolu olan şəxslərin məsuliyyətə cəlb edilməsini tələb edib.

Bundan sonra İran Mağaraşünaslıq Dərnəyinin İdarə Heyəti tərəfindən Ətraf Mühitin Mühafizəsi Təşkilatının sədr müavini Kiyumərs Kələntəriyə məktub ünvanlanıb.

Məktubda adsız və qeydiyyatsız şirkətin qaydalara riayət etmədən və icazəsiz olaraq, bölgəyə ağır texniki avadanlıqlar gətirərək mağarada qazıntılar aparması qeyd olunub.

Ancaq yerli əhalinin bildirdiyinə görə, ekoloji əhəmiyyətli mağarada qazıntı, nümunə götürmə işləri dayandırılmayıb və mədənçilərin fəaliyyətləri davam edir.

C.E

غار آبی دودزا (4)