Əhmədinejad Xamneyiyə ünvanladığı məktubda Ruhani və Laricani qardaşlarını ölkədəki hazırki vəziyyətə görə günahlandırıb

2019-01-22 15:19

GünAz TV: İranın sabiq prezidenti Mahmud Əhmədinejad “dini lider” Xamneyiyə göndərdiyi məktubda ölkədə hazırda hökm sürən vəziyyətə görə prezident Həsən Ruhanini, eləcə də Milli Məclisin spikeri və məhkəmə sisteminin rəhbəri postlarını tutan Laricani qardaşlarını günahlandıraraq, onların birgə hərəkət etdiyini yazıb.

 

2018-ci ilin dekabr ayının 18-də Xamneyiyə göndərilən məktub bu günlərdə Əhmədinejada məxsus olan teleqram qrupunda paylaşılıb.

 

Sabiq prezident bundan öncə də Xamneyiyə göndərdiyi məktubda onun prezidentlik dövründə Prezident Administrasiyasının rəhbəri olan və hazırda məhkumluq həyatı yaşayan Həmid Bəqayinin cinayət işini şəxsən nəzarətə götürməsini istəmiş və məhkəmənin həmin şəxsə qarşı qəbul etdiyi qərara etiraz etmişdi. Bəqayi mənimsəmə və dövlət əmlakını talama ittihamı ilə 15 il müddətinə həbs edilib.

 

Əhmədinajad “dini liderə” yazdığı digər bir məktubda isə Laricani qardaşlarını “xalqın etimadına, inqilaba, Milli Məclisə və məhkəmə orqanlarına böyük zərbələr” vurmaqda günahlandırmışdı.

 

Əhmədinejad Xamneyiyə göndərdiyi son məktubunda Həsən Ruhanini tənqid etdikdən və onu müxtəlif məsələlər ətrafında debata dəvət etdikdən sonra İsfəndiyar Rəhim Məşayinin apelyasiya şikayətinə baxılan zaman “məhkəmə sistemi iyerxiyasında mövcud olan boşluqlar və qanunsuzluqlar araşdırılmadan” apelyasiyanın onun şikayətini təmin etmədiyini yazıb. O, bunu məhkəmə sisteminin qanunun aliliyini təmin etməyərək, prezident Həsən Ruhanini açıq- aşkar dəstəklədiyinin nümunəsi olduğunu bildirib.

 

Əhmədinejad Xamneyiyə göndərdiyi bir neçə məktubun cavabsız qaldığını yazaraq, məhkəmə sisteminin onun dövründə müxtəlif vəzifələri tutmuş şəxslərə qarşı çıxardığı hökmü zülm adlandırıb.

 

Rəhim Məşayi 2018-ci ilin 15 martında Rəhim Bəqayiyə qarşı çıxarılmış hökmü Britaniya səfirliyinin qarşısında yandıran zaman həbs edilmiş və məhkəmənin hökmü ilə ona 6 il yarım iş kəsilmişdi. Əhmədinejad məhkəmə sistemin kəskin tənqid edərək, bildirmişdi ki, “əgər Məşayi bunu etməsəydi, mən o hökmü səfirlik qarşısında yandıracaqdım”.

 

Mahmud Əhmədinejad Xamneyinin onun yenidən prezident seçkilərində namizədliyini irəli sürməsinə qarşı çıxmasından, eləcə də onun dövründə müxtəlif postları tutan şəxslərin korrupsiya və mənimsəmə ittihamları ilə həbs edilməsindən sonra İran İslam Respublikası siyasi sistemini kəskin tənqid etməyə başlayıb.

 

Xatırladaq ki, Mahmud Əhmədinejad hazırda İranda məhkəmə və hüquq- mühafizə orqanlarının qanunsuzluqlarını tənqid etsə də, onun prezident olduğu dövrdə də qanunsuz həbslər, işgəncələr və hətta saxlanılanların həbsxanalarda işgəncələr nəticəsində ölməsi kimi hallar çox idi.

 

Əhmədinejadı tənqid edənlər ondan prezident olduğu dövrdə məhkəmə sisteminin qanunsuz həbsləri, xalqa qarşı həyata keçirilən zorakılıqlar və 2009-cu ildə baş vermiş “Aşura mitinqləri” zamanı etirazçıların repressiyalara məruz qalması qarşısında niyə səssiz qalmasını soruşurlar. Onlar Əhmədinejadın bu tənqidlərinin yalnız şəxsi motivlər əsasında olduğunu və xalqın mənayefi üçün deyil, yalnız öz mənfəətlərini təmin etməyə hesablandığını bildirirlər.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

GünazTV Aug.15.2020: Fransa, Türkiyənin Aralıq dənizini iktişafi araşdırmalarına qarşı çıxır

2020-08-15

gun az article

GünazTV Aug.15.2020: “BMT Amerikanın təklifinə yox dedi. Birləşmiş Ştatlar isə İran tenkerlərini həbs etdiyini açıqladı”

2020-08-15

gun az article

İrana qarşı silah embarqosunun uzadılması ilə bağlı qətnamənin qəbul edilməməsinə dünya ölkələrindən reaksiyalar verilib

2020-08-15

gun az article

İranda daha 161 nəfər koronavirusdan vəfat edib

2020-08-15

gun az article

TŞ-da İrana qarşı silah embarqosunun uzadılmasına dair qətnamə layihəsi qəbul edilməyib

2020-08-15

gun az article

Əlirza Zali: "Koronavirusun son aylar ərzində yenidən kəskin yayılması strateji səhvin nəticəsidir"

2020-08-15

gun az article

GünazTV Aug.14.2020: Dünən İsrail və Birləşmiş Ərəb Əmirlikləri ABŞ prezidenti Donald Trumpın vasitəçiliyi ilə iki ölkə...

2020-08-14

gun az article

GünazTV Aug.14.2020: “Amerika İrana məxsus 4 tankeri saxladı”

2020-08-14

gun az article

İranlı uşu idmançısı koronavirusdan ölüb

2020-08-14

gun az article

İranda daha 169 nəfər “Covid-19”dan ölüb, 2501 yeni növ koronavirusa yoluxma halı açkarlanıb

2020-08-14

gun az article

“Sepah”ın Suriyada həlak olmuş daha 2 əfqan muzdlusunun cənazəsi ölkəyə gətirilib

2020-08-14

gun az article

Kirman əyalətində koronavirusa yoluxanların sayı 583 nəfərə çatıb, 12 nəfər vəfat edib

2020-08-14

gun az article

Mayk Pompeo: “Orta Şərq yekdilliklə İrana qarşı silah embarqosunun müddətinin uzadılmasını tələb edir”

2020-08-14

gun az article

İran BƏƏ ilə İsrail arasında əldə edilmiş tarixi razılaşmanı pisləyib

2020-08-14

gun az article

Amerika Venesuelaya benzin daşıyan 4 İran tankerini saxlayıb

2020-08-14

gun az article

Zərif Beyruta rəsmi səfər edib

2020-08-14

gun az article

GünazTV Aug.13.2020: Joe Biden Kamala Harrisi öz müavini seçdi

2020-08-13

gun az article

GünazTV Aug.13.2020: “Amerikadakı məktəblərə 125 milyon maska göndərilir.”

2020-08-13

gun az article

İran Parlamentinin Milli Təhlükəsizlik Komissiyasının sədri Ermənistan səfiri ilə görüşüb

2020-08-13

gun az article

Buşehr əyalətində koronavirusa yoluxan daha 53 nəfər xəstəxanalara yerləşdirilib

2020-08-13