SON XƏBƏRLƏR

Tehranda yüzlərlə cinayətkar həbs edilib

2022.08.30, 08:34
Tehranda yüzlərlə cinayətkar həbs edilib

Gunaz.tv

İran polisinin “quldur" adlandırdığı 304 nəfərin saxlanılmasından iki həftə keçməmiş Tehran polisinin rəisi başqa bir əməliyyat zamanı “oğru, qəsbkar və quldur” adlandırdığı daha 822 nəfərin həbs edildiyini açıqlayıb.

Tehran polisinin rəisi Hüseyn Təhimi əməliyyat zamanı "oğru və quldur"lardan çox sayda döyüş silahının götürüldüyünü deyib.

Oğurluq hallarının artması İran məhkəmə sisteminin başçısı Qulamhüseyn Möhsüni Ejeyini də məsələni etiraf etməyə məcbur edib.

O, oğurluq edən və vətəndaşları güc tətbiq edərək qarət edən cinayətkarlara qarşı daha sərt tədbirlərin görülməsini istəyib.

Bir müddət bundan öncə Tehran şəhərinin polis rəisi Hüseyn Rəhimi son üç ay ərzində Tehranda baş verən ourluqların ötən ayın oxşar dövrünə nisbətdə 7% artdığını söyləyib.

Qeyd edək ki, İranda oğurluq hallarının artması ilə bağlı hesabat dərc edən İranın “Aftab” xəbər agentliyi bunu inflyasiyanın yüksəlməsi ilə əlaqəli olduğunu bildirib.

Agentlik son 5 illik dövrdə illik inflyasiya səviyyəsinin təxminən 4,4 dəfə artdlğını və buna uyğun olaraq oğurluq hallarının da 4 dəfə çoxaldığını qeyd edib.

Cavidan

SEÇİLMİŞ XƏBƏRLƏR

Çox oxunanlar