Bu barədə İnsan haqları təşkilatları məlumat yayıb.
Məlumata görə, oğurluqda günahlandırılan 7 məhkumu barmaqlarının kəsilməsi üçün "Evin" zindanına köçürmək üçün gələn məmurlar dirənişlə üzləşiblər.
Başqa məhbusların da dəstək verməsi nəticəsində məmurlarla məhkumlar arasında qarşıdurma baş verib.
Çox sayda məhbus ağır şəkildə döyülüb.
Hökmün icrası başqa vaxta saxlanılıb.
Məlumatda 7 məhkumun hər birinin 4 barmağının kəsilməsi qərarı iyunun 14-də Evin zindanında həyata keçiriləcək.
Qeyd edək ki, Tehranın Evin zindanında məhkumların bədən əzalarını kəsmək üçün yeni cəza bölməsi yaradılıb və ora gilyotin quraşdırılıb.
Evin zindanından yenicə buraxılmış sabiq siyasi məhbus Arəş Sadiqi özünün tvitter hesabında etdiyi paylaşımda bu barədə məlumat verib.
Onun sözlərinə görə, məhkumların bədən əzalarını kəsmək üçün zindanda yeni bölmə yaradılıb və mayın 31-də bir məhkumun dörd barmağı kəsilib.
Bununla yanaşı Qərbi Azərbaycanın mərkəzi Urmu şəhərinin zindanında 3 məhkum bədən əzalarının kəsilməsi üçün Evin zindanına köçürülüb.
Cavidan
