SON XƏBƏRLƏR

Pentaqon sözçüsü: “İranın pilotsuz uçuş aparatları son illərdə daha “ölümcül” olublar”

2021.12.16, 12:29
Pentaqon sözçüsü: “İranın pilotsuz uçuş aparatları son illərdə daha “ölümcül” olublar”

Gunaz.tv

O deyib ki, İran hazırda özünün nüvə ambisiyaları ilə yanaşı region ölkələrinə qarşı dağıdıcı və təhdid dolu fəaliyyətlərini irəli aparmağa çalışır.

“Son illər İranın PUA-larla bağlı proqramı inkişaf etdirilib və bu ölkənin pilotsuz uçuş aparatları daha dəqiq və daha ölümcül hala gətirilib. BU isə bizim nigaranlığımıza səbəb olub.

Hesab edirik ki, nüvə silahı ilə təchiz edilmiş bir İranla Yaxın Şərqdə heç bir problemin həlli asan olmayacaq.

Nüvə razılaşmasını canlandırmaq üçün Qərbin Vyanada İranla apardığı danışıqlara gəlincə, hazırda müzakirələr çox çətin bir mərhələyə çatıb və danışıqların sonunun nə ilə nəticələnəcəyi bəlli deyil”, -deyə Pentaqon sözçüsü Con Kirbi dünən Amerikanın MSNBC telekanalına açıqlamasında bildirib.

Qeyd edək ki, Vyana danışıqlarına qatılan İranın nümayəndə heyəti Amerika və Avropa üçlüyü qarşısında sərgilədiyi dekonstruktiv mövqeyi ilə müxtəlif bəhanələrlə danışıqları uzatmağa və bununla gizli nüvə proqramını daha çox inkişaf etdirməyə çalışır. 

Ekspertlər isə təxmin edirlər ki, İran bu siyasəti ilə danışıqlarda daha çox vaxt qazanmağa və bununla da öz ilk atom bombasını istehsal edib ortaya çıxarmağa çalışır. 

A.M 

SEÇİLMİŞ XƏBƏRLƏR

Çox oxunanlar