2018-ci ilə aid olduğu bildirilən səs yazısında SEPAH-ın Baş komandanı Məhəmmədəli Cəfəri və qurumun İqtisadiyyat və Tikinti İşləri üzrə keçmiş komandan müavini Sadiq Zülqədrnianın (Mirzə Həsən) SEPAH-ın Qüds briqadası içində olan geniş korrupsiya əməllərindən bəhs edilir.
50 dəqiqləlik səs yazısında Tehran şəhərinin o vaxtkı meri, hazırda İran parlamentinin başçısı Məhəmmədbaqir Qalibaf, SEPAH-ın Qüds qüvvələrinin keçmiş komandiri Qasim Süleymani, koordinasiya işləri üzrə komandir müavini Cəmaləddin Abrumənd, SEPAH-ın kəşfiyyat bölməsinin başçısı Hüseyn Taib və başqalarının mafiya əlaqələri və korrupsiya faktlarından danışılır.
Səs yazısında SEPAH daxilindəki maliyyə fırıldaqları və mənimsəmələrlə bağlı məsələlərin araşdırılması zamanı Qasim Süleymaninin Əli Xamneyiyə müraciət etməsi, məsələnin ifşa olunmasından narahat olduğunu ona çatdırması qeyd olunur.
Audio faylda Sadiq Zülqədrniya deyir ki, Əli Xamneyi əsas məqsədin SEPAH-ın Qüds Qüvvələrinə kömək etmək olduğunu və buna uyğun olaraq maliyyə resurslarının 90%-nin Qüds Qüvvələrinə, 10%-nin isə SEPAH-a verilməsini əmr edib.
C.E
