Ərdəbildə partlayış olub: 3 ölü, 3 yaralı

SON XƏBƏRLƏR

Ərdəbildə partlayış olub: 3 ölü, 3 yaralı

2021.10.20, 07:36

Gunaz.tv

GünAz TV: Ərdəbil Əyalətinin Samiyan kəndində yaşayış evində qaz sızması nəticəsində partlayış baş verib. Hadisə nəticəsində ölən və yaralananlar var.

Bu barədə Ərdəbil Əyaləti Təcili Tibbi Hadisələr Mərkəzinin rəisi Məcid Qəribani fevralın 5-i səhər saatlarında jurnalistlərə məlumat verib.

“Hadisə qaz sızması və elektrik naqillərində baş verən qısaqapanma nəticəsində yaranıb. Partlayışdə 3 nəfər həlak olub, 3 nəfər isə yaralanıb, yaralılar dərhal xəstəxanaya çatdırılıb”- deyə o bildirib.

Onun sözlərinə görə, hadisənin səbəbi və təfərrüatı ekspertlər tərəfindən araşdırılır, hələlik bu barədə dəqiq məlumat yoxdur.

Təcili Tibbi Hadisələr Mərkəzinin rəisi bölgə əhalisinə müraciət edərək hər kəsi qaz və elektrikdən istifadə edərkən ehtiyatlı olmağa çağırıb. O bildirib ki, qaz trubalarını davamlı yoxlamaq və standart peçlərdən (soba) istifadə etmək təhlükəsizlik üçün vacib məsələlərdən biridir.

N.S