SON XƏBƏRLƏR

Ermənistanda etiraz aksiyalarında iştirak edən 83 nəfər tutulub

2021.10.20, 07:36
Ermənistanda etiraz aksiyalarında iştirak edən 83 nəfər tutulub

Gunaz.tv

GünAz TV: Bu gün Ermənistanda hüquq-mühafizə orqanları etiraz aksiyalarında iştirak edən 83 nəfəri saxlayıb.

 

APA-nın “RİA Novosti”yə istinadən verdiyi məlumata görə, bu barədə Ermənistan Polisinin mətbuat xidmətinin rəhbəri Edqar Canoyan bildirib.

 

Etiraz aksiyalarının təşkilatçısı, parlamentin üzvü Nikol Paşinyan isə yolların yük maşınları ilə mühasirəyə alındığını açıqlayıb. O bildirib ki, plan baş tutarsa, “məxməri inqilab” bir neçə günə başa çatacaq.

 

Ermənistanın keçmiş prezidenti Serj Sarkisyanın baş nazir olması ilə bağlı etiraz aksiyaları aprelin 13-dən başlayıb. Etirazlara baxmayaraq, aprelin 17-də Serj Sarkisyan parlamentdə keçirilən xüsusi iclasda bu posta təyin olunub.

 

Ölkə Konstitusiyasına edilən dəyişikliyə əsasən, Ermənistan parlament üsul idarəçiliyinə keçir və prezidentin səlahiyyətləri baş nazirə verilir.

 

Dünən yayılan xəbərdə isə ilk öncə Gümrü şəhərinin Vardanants meydanında mitinq iştirakçıları ilə polis arasında toqquşma baş verdiyi bildirilmişdir. Lakin sonra polis əməkdaşları mitinq iştirakçılarına qarşı güc tətbiq etməkdən imtina etdiyi və həmkarlarını xalq kütlələrinin tərəfinə keçməyə çağırdıqları açıqlanmışdır.

 

N.S

SEÇİLMİŞ XƏBƏRLƏR

Çox oxunanlar