Beynəlxalq Əfv Təşkilatı Belçikaya İranla razılaşma ilə bağlı xəbərdarlıq edib

06.07.2022, 05:00

Beynəlxalq Əfv Təşkilatı Belçikaya İranla müttəhimlərin ekstradisiyasına dair razılaşma ilə bağlı xəbərdarlıq edib.

Gunaz.tv Quote | Gunaz article

Beynəlxalq Əfv Təşkilatı iyulun 5-də yaydığı bəyanatında Belçika hökumətindən bu ölkə ilə İran İslam Respublikası arasında məhbusların mübadiləsi ilə bağlı qanun layihəsinin Belçikanın beynəlxalq insan haqları qanunları sahəsində öhdəliklərini pozmayacağına dərhal zəmanət verməsini istəyib. 

Beynəlxalq Əfv Təşkilatı sözügedən qanun layihəsinin insan hüquqları standartlarının ciddi şəkildə pozulmasına görə məsuliyyət daşıyanların və ya beynəlxalq hüquqa əsasən cinayətkar kimi tanınan şəxslərin cəzasız qalması üçün istifadə edilməməsinə dair zəruri məhkəmə təminatlarını ehtiva etməli olduğunu vurğulayıb.

“Beynəlxalq ictimaiyyət, o cümlədən Belçika hökuməti və başqa Avropa ölkələri xaricdə müxalifəti sıxışdırdıqlarına görə İran hökumətinə bağlı agentləri cəzalandırmaq öhdəliyini yerinə yetirməsə, İran İslam Respublikasının xaricdəki müxaliflərə qarşı hücum riski və təhdidi artacaq"-deyə, bəyanatda qeyd olunub.

İnsan haqları qurumu həmçinin xatırladıb ki, Avropa diplomatik mənbələrinə istinadən bu qanun layihəsinin Belçika parlamentində təsdiq edilməsindən məqsəd terror fəaliyyətlərinə görə Belçikada 20 il həbsə məhkum edilən İran diplomatı Əsədullah Əsədi ilə  İranda qanunsuz həbsdə olan bir neçə Avropa vətəndaşını mübadilə üçün əsas yaratmaqdır.

Bəzi xəbər agentlikləri Belçika rəsmilərinə istinadən bildiriblər ki, İran hökuməti Əsədullah Əsədinin azad edilməsini təmin etmək üçün İrandakı avropalı və ikili vətəndaşlığı olan məhbuslardan, o cümlədən Belçikada işləyən iranlı-isveçli akademik Əhmədrza Cəlalidən taktika kimi istifadə etməyə çalışır. 

“Cinayətkarların ekstradisiyası qanun layihəsi ilə bağlı son hadisələr İran hökumətinin xarici ölkələrdə İran rəsmilərinə qarşı ədalətin icrasına mane olmaq üçün xarici vətəndaşları və ikili vətəndaşlığı olanları qanunsuz həbs etməklə onlardan su-istifadə etdiyini göstərir. Bununla yanaşı gələcəkdə İrana bağlı ünsürlərin xarici ölkələrdə mühakimə olunma ehtimalını zəiflədir"-deyə, bəyanatın davamında bildirilib.

Beynəlxalq Əfv Təşkilatı İran hökumətinin xarici vətəndaşları qondarma ittihamlarla həbs etməsini, onlardan məcburi etiraflar almasını və bu vasitə ilə üçüncü tərəfə öz istəklərini diktə etməyə çalışmasını girov götürmək əməliyyatı kimi dəyərləndirib.

Qeyd edək ki, İranın casus-diplomatı Əsədullah Əsədi üç nəfərlə birlikdə 2018-ci ildə Parisdə İran Xalq Mücahidləri Təşkilatının mitinqini bombalamağa cəhddə ittiham olunur.

Əsədullah Əsədi İranın Avstriyadakı səfirliyində işləyərkən Nəsimə Nəami və Əmir Səduniyə mücahidlərin toplantısını hədəfə almaq üçün başqa bir şəxsin köməyi ilə yarım kiloqram partlayıcı verib.

Belçikada birinci instansiya məhkəməsi 2020-cı ilin fevralında Əsədulla Əsədini 20 il həbsə məhkum edib.

Əsədulla Əsədi apellyasiya şikayətindən imtina edib.

Lakin apellyasiya məhkəməsi Mehrdad Arifani, Nəsimə Nəami və Əmir Səduninin şikayəti əsasında keçirilib.

Əsədullah Əsədi İran Kəşfiyyat İdarəsinin Avropadakı əsas rəsmilərindən biri kimi qeyd edilib və onun bu qitədə İslam Respublikasının casus şəbəkəsinə rəhbərlik etdiyi bildirilir.

Cavidan
 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

İranda təqaüdçülər etiraz aksiyası keçirib

2022-08-10

gun az article

İsrail mənbələri: "Rusiya-İran peyki İsrailin və Qərbin maraqlarına zərər vura bilər"

2022-08-10

gun az article

Çempionlar Liqası: "Qarabağ" pley-off mərhələsinə vəsiqə qazanıb

2022-08-09

gun az article

Krımda hərbi aerodromda partlayışlar olub

2022-08-09

gun az article

Ərazi bütövlüyü tam təmin olunacaq - Ceyhun Bayramov

2022-08-09

gun az article

İlham Əliyev Şimali Kipr prezidentini qəbul edib

2022-08-09

gun az article

İslam Oyunlarının təntənəli açılışı oldu

2022-08-09

gun az article

İranda yol qəzalarında ölənlərin yeni statistikası açıqlanıb

2022-08-09

gun az article

QHT BMT qurumuna üzv qəbul olundu

2022-08-09

gun az article

İranda şiddətli quraqlıq xərərdarlığı

2022-08-09

gun az article

"Uşaq qatili olan rejimə dəstək verirlər"-Mirhüseyn Musəvi İran hökumətinin Suriya siyasətinə qarşı çıxdı

2022-08-09

gun az article

Prezident İlham Əliyev Türkiyəyə işgüzar səfərə gedib

2022-08-09

gun az article

Qərbi azərbaycanlılara qaçqın statusu verilsin-Millət vəkili

2022-08-09

gun az article

Rusiya İranın “Xəyyam” peykini orbitə buraxıb

2022-08-09

gun az article

İranda bəhailərin təhsilinə imkan verilmir

2022-08-09

gun az article

ATƏT-in baş katibi: "Türkiyə Ermənistanla Azərbaycan arasında normallaşma prosesinə töhfə verir"

2022-08-09

gun az article

İranda daha bir işçi intihar etdi

2022-08-09

gun az article

Yəməndə iranlı hərbçilər həlak olub

2022-08-09

gun az article

Vyanada nüvə danışıqlarının bərpası üzrə görüş sona çatdı- AB nümayəndə heyətlərinə yekun mətni verib

2022-08-08

gun az article

Putin və Paşinyan Qarabağda vəziyyəti müzakirə edib

2022-08-08