GünAz TV: Cənab Əhməd Obalı tərəfindən 2004-cü ildə yaradılmış Güney Azərbaycan Televiziyası Vaşinqton D.C-də rəsmən fəaliyyətə başlayıb.
Artıq rəsmi nümayəndəliyinin açılışı olan televiziya Vaşinqtonda öz işinə başlayıb. GünAz TV-nin əsas məqsədi güney azərbaycanlıların səsini dünyaya çatdırmaq, eləcə də Azərbaycan türklərinə mühüm siyasi xəbərlər barədə məlumat verməkdən ibarətdir.
Qənirə Ataşova GünAz TV-nin jurnalisti olaraq Ağ Evdə, Amerika Konqresində, Pentaqonda keçiriləcək görüşlərdə, eləcə də Baş Assambleyalar kimi müxtəlif tədbirlərdə iştirak edəcək.
Bundan sonra Güney Azərbaycan Televiziyası mühüm siyasi, iqtisadi və ictimai hadisələri dəqiq formada Vaşinqtondan dünyada yaşayan dəyərli güney azərbaycanlılara çatdıra biləcək.
Öncələr ANS TV-nin Vaşinqton bürosunda çalışan və xəbər yayınlayan xanım Qənirə Ataşova artıq GünAz TV-nin nümayəndəsi kimi çalışacaq.
Müstəqil media qurumu olan Güney Azərbaycan Televiziyası 16 il əvvəl cənab Əhməd Obalı tərəfindən təsis edilib və öz xəbərlərini Amerika Birləşmiş Ştatlarının İllinoys ştatının Çikaqo şəhərindən yayınlayır.
24 saatlıq yayın proqramı olan televiziya müxtəlif peyklər vasitəsilə öz proqramlarını Avropa, Orta Şərq, Şimali Afrika və Mərkəzi Asiya kimi dünyanın müxtəlif coğrafiyalarında yaşayan auditoriyaya təqdim edir.
Bundan başqa, dünyanın hər bir nöqtəsində yaşayan insanlar GünAz TV-nin proqramlarını “online” formada müxtəlif sosial şəbəkələrdə izləyə bilərlər.
Youtube kanalı: https://www.youtube.com/channel/UC9za9wpu_syOdfQMI94OAMw
Telegram kanalı: https://t.me/gunaztv2004
Xəbər, foto və video göndərmək üçün Telegram kanalının admininin adresi: https://t.me/gunaztelevision
İnstagram səhifəsi: https://www.instagram.com/gunaz.tv/
Ə.A
