Güney azərbaycanlı milli-mədəni fəallar türkcə kitab paylayıb

SON XƏBƏRLƏR

Güney azərbaycanlı milli-mədəni fəallar türkcə kitab paylayıb – Astarada / VİDEO

2021.10.20, 07:36

Gunaz.tv

GünAz TV: Güney Azərbaycanın Astara şəhərində yerli yeniyetmələr arasında türkcə kitablar paylanılıb.

Azərbaycanlı milli-mədəni fəalların kitab paylama tədbiri uşaqlar tərəfindən böyük rəğbətlə qarşılanıb.

Mədəni tədbirin Azərbaycan Milli Hökumətinin quruluşunun 74-ci ildönümü ərəfəsində hökumətin ən yüksək postlarında işləyən, milli demokratik hərəkatın rəhbərlərindən olan mərhum Fridun İbrahiminin doğulduğu şəhərdə keçirilməsi Azərbaycan Milli Hökuməti şəhidlərinin yolunun davam etdirildiyini bir daha sübut etməkdədir.

https://www.youtube.com/watch?time_continue=13&v=oo-McBt5hws&feature=emb_logo

Güney Azərbaycanda yeni dərs ili, Beynəlxalq Ana Dili Günü, Novruz bayramı və digər əlamətdar günlərdə bir çox mədəni tədbir, o cümlədən kitab paylama kampaniyası həyata keçirilir.

Müxtəlif mənbələrə görə, İranda Azərbaycan türklərinin əhalisi 35 milyondan çoxdur. Buna baxmayaraq bu ölkədə türk dilində təhsil məsələsi uzun illərdir öz həllini tapmır, bu istiqamətdə mədəni fəaliyyətlə məşğul olan yüzlərlə azərbaycanlı fəal saxlanılır, işgəncə edilir və uzun illər həbs cəzası ilə üzləşir.

N.S