SON XƏBƏRLƏR

Əhali Təbriz-Səhənd magistral yolundan istifadəyə görə rüsumun çoxluğuna etiraz edib

2022.03.07, 07:53
Əhali Təbriz-Səhənd magistral yolundan istifadəyə görə rüsumun çoxluğuna etiraz edib

Gunaz.tv

Son həftələr adı çəkilən yolda sürücülərdən istənilən ödənişin məbləğinin yüksək olması onların narazılığına səbəb olub və sürücülər alternativ yollardan istifadə etməyə başlayıblar.

Etirazların çoxaldığını görən bir sıra əyalət məsulları, o cümlədən Təbrizin cümə imamı Məhəmmədəli Ali-Haşim məsələyə münasibət bildirib və əhalinin haqlı olduğunu etiraf edib.

Bundan öncə məsələ ilə bağlı açıqlama verən Təbriz şəhərinin İran parlamentindəki nümayəndəsi Ruhullah Mütəfəkkir Azad Təbriz-Səhənd magistral yolunda sürücülərdən əlavə rüsum alındığına etiraz edib və o, bunu hökumətin xalqın cibinə girməsi kimi dəyərləndirib.

“Mən parlament nümayəndəsi kimi Təbriz-Səhənd magistral yolunun müqaviləsində nələrin yazıldığını öyrənmək istəyirəm.

Sərmayəçilərin hüquqları qorunmalı və ona hörmət edilməlidir, ancaq məsullar bunu təmin etmək üçün xalqın cibindən pul qopartmaq yerinə başqa yol təklif etməlidirlər”-deyə, millət vəkili Üskü şəhərində keçirdiyi görüşdə bildirib.

Qeyd edək ki, uzun illərdən sonra tikintisinin tam bitməsinə baxmayaraq açılan Təbriz-Səhənd magistral yolunda əlavə rüsumların alınması sürücü və əhalinin etirazlarına səbəb olub.

Onlar bir neçə gündür ki, hökumətin yersiz və ağır rüsumlar istəməsinə etiraz olaraq bu yoldan istifadəni dayandırıb və başqa alternativ yollardan istifadə etməyə başlayıblar.

content_image_1646551182.jpg

C.E
 

SEÇİLMİŞ XƏBƏRLƏR

Çox oxunanlar