SON XƏBƏRLƏR

Hindistan İrandan neft idxalını tamamilə dayandırıb

2021.10.20, 07:36
Hindistan İrandan neft idxalını tamamilə dayandırıb

Gunaz.tv

GünazTV: Hindistanın Amerikadakı səfiri Harş Vardhan Shringla mayın 24-də jurnalistlərə açıqlamasında ölkəsinin İrandan neft idxalını tamamilə dayandırdığını bildirib.

 

Səfir bildirib ki, Amerikanın İrandan neft alan 8 istisna ölkəyə verdiyi möhlətin başa çatmasından sonra, Hindistan İrandan neft alışını dayandırıb: “Biz, ötən aprel ayında İrandan 1 milyon ton neft idxal etdik və ondan sonra artıq neft almamışıq və İrandan idxalı tamamilə dayandırmışıq.

 

Hindistanın xarici ölkələrdən idxal etdiyi neftin yalnız 10 faizini İran təmin edirdi və bunun dayandırılması bizə əlavə problemlər və xərclər yaradırdı. Lakin bütün bunlara baxmayaraq, bizim hökumət Amerikanın İrana qarşı tətbiq etdiyi sanksiyalara riayət etdi və neft alışını dayandırdı” –deyə Hindistanın Vaşinqtondakı səfiri Harş Vardhan Shringla əlavə edib.

 

Səfir həmçinin Tehranla Vaşinqton arasında yaşanan mövcud çaxnaşmaya, bölgədə vəziyyətin gərgin olmasına toxunaraq, deyib ki, Hindistan regionda hər hansı bir müharibənin tərəfdarı deyil.

 

 

A.M

SEÇİLMİŞ XƏBƏRLƏR

Çox oxunanlar