“Şərqi Azərbaycanın bu ilki illik büdcəsi 1000 milyard tümən olduğu halda bu günə kimi onun 500 milyard tümənini belə verməyiblər.
Bu ilki büdcədə vacib layihələr, o cümlədən Zab tunelinin çəkilişi və Təbriz metrosunun tikintisi üçün büdcə nəzərdə tutulmayıb”-deyə, M.Pezeşkiyan bildirib.
O, Təbriz-Səhənd magistral yolunun yarımçıq qalmasına baxmayaraq bu yoldan istifadə edənlər üçün yüksək məbləğdə rüsum təyin olunmasını yersiz adlandırıb.
Millət vəkili adı çəkilən yolun tikintisinin tam başa çatması üçün bundan öncə keçmiş prezident Mahmud Əhmədinejaddan əlavə büdcə tələb etdiyini deyib.
“O vaxt layihənin tamamlanması üçün 50 milyard tümən vəsait lazim idi və bunu istəməyimizə baxmayaraq əhəmiyyət verilmədi.
Bu, Həsən Ruhani dövründə də olduğu kimi davam etdi və məsələnin həlli üçün addım atılmadı”-deyə, Pezeşkiyan qeyd edib.
Onun sözlərinə görə, bir müddə bundan öncə Türkiyə şirkətinin yarımçıq yol layihəsini tamamlamaq üçün yatırım yatırmaq istədiyini.
Bununla bağlı müqavilə imzalandığını, ancaq Tehranda məsələnin baş tutmaması üçün oyunlar oynanıldığını bildirib.
C.E
