SON XƏBƏRLƏR

Milli fəal həbs və cərimə cəzasına məhkum olunub

2021.11.08, 11:17
Milli fəal həbs və cərimə cəzasına məhkum olunub

Gunaz.tv

Milli fəalı barəsində qərar Təbrizin ikinci Cəza Məhkəməsinin 111-ci bölməsinin hakimi Rza Fruği tərəfindən verilib.

Vəhid Əbhəri barəsində cəza qərarı onun  “kiber məkanda telekommunikasiya sistemləri vasitəsi ilə insanları zorakı hərəkətlərə təhrik və dəvət etmək” ittihamına görə verilib.

Vəhid Əbhəri 2016-cı ildə mədəni fəaliyytlərinə görə təhlükəsizlik məmurları tərəfindən saxlanılaraq 5 gün müddətinə dindirildikdən sonra sərbəst buraxılıb.

Bununla yanaşı Əbhəri 2017 və 2018-ci illərdə Babək qalasına illik yürüşdə iştirak etdiyi və 2019-cu ildə Qulamrza Amaninin anım mərasiminə qatıldığı üçün saxlanılıb.

Qeyd edək ki, iyulun 24-də Təbrizdə Əhvaz ərəblərinin su üsyanına dəstək mitinqi keçirilib.

Aksiyada “Azərbaycan Əl-Əhvaz, İttihad ittihad” və kimi şüarlar səsləndirilib.

Təbriz sakinləri bu aksiya ilə hökumətin digər millətlərə qarşı ayrı-seçkilik siyasətinə etiraz edib.

Etiraz aksiyası keçirilən gün, ondan öncə və sonrakı günlərdə onlarla azərbaycanlı fəal saxlanılıb.

Saxlanılanlar dindirildikdən sonra Təbriz zindanına köçürülüb, sonradan ağır girov qarşılığında müvəqqəti olaraq məhkəməyə qədər azadlığa buraxılıb.

C.E

SEÇİLMİŞ XƏBƏRLƏR

Çox oxunanlar