O, mümkün nüvə razılaşmasına görə Tehrana qarşı sanksiyaların aradan qaldırılmasının böyük təhlükə yaradacağı barədə xəbərdarlıq edib.
"İran təkcə nüvə problemi deyil, Yaxın Şərqin əsas problemidir. İordan çayının qərb sahilində bir çox problemlərin və Qəzza zolağında son münaqişənin səbəbkarı İrandır"-deyə, o, İsrailin baş naziri Yair lapidin Almaniyaya səfəri ilə eyni vaxta təsadüf edən çıxışında bildirib.
Ronen Barr, qeyd edib ki, adi müharibələr və nüvə rəqabəti erası arxada qalıb və yeni dövrdə terrorçular sosial şəbəkələrdən və alqoritmlərdən istifadə edərək ictimai rəyin Qərb dünyasına münasibətini dəyişdirməyə yönəlib.
Şin Betin rəhbəri vurğulayıb ki, İsrail şiə və fələstinli qrupların təhlükəsi ilə mübarizə aparmaq üçün müxtəlif kiber sahələrdə texniki bacarıqlarını genişləndirmək məcburiyyətindədir.
Qeyd edək ki, nüvə sazişinin canlandırılması perspektivi qeyri-müəyyən olsa da, israilli jurnalist Barak Ravid yüksək rütbəli İsrail rəsmisinə istinadən xəbər verir ki, ölkə bu mərhələdə noyabrda Amerikada keçiriləcək aralıq seçkilərə qədər İranla heç bir nüvə sazişi imzalanmayacağına inanır.
Almaniyaya səfər edən İsrailin baş naziri Yair Lapid Berlinə yola düşməzdən əvvəl nüvə sazişini imzalayan üç Avropa dövlətinə bu nüvə sazişini canlandırmaq üçün danışıqlarda “həlledici mövqe” tutduqlarına görə təşəkkür edib və İsrailin bu ölkələrə İranın nüvə fəaliyyətləri ilə bağlı yeni məlumatlar verdiyini bildirib.
Cavidan
