Çin və 6 ərəb ölkəsi İrana qarşı bəyanat yaydı

SON XƏBƏRLƏR

Çin və 6 ərəb ölkəsi İrana qarşı bəyanat yaydı

2022.12.12, 06:00

Gunaz.tv

İran körfəzi ərəb ölkələri və Çin liderləri yekun birgə sammitin bəyanatında üç ada məsələsinin sülh yolu ilə həllinə və İranın işğalına son qoymağa çağırıblar.

Bu bəyanat Səudiyyə Ərəbistanı və Çin liderlərinin İrandan “ölkələrin daxili işlərinə qarışmaması”nı tələb etdikləri növbəti bəyanatdan dərhal sonra verilib.

Yekun bəyanatda inkişafa, tərəqqiyə və beynəlxalq və insan hüquqları, Birləşmiş Millətlər Təşkilatının Nizamnaməsi və mehriban qonşuluq prinsiplərinə sadiqliyə nail olmaq üçün ölkələr arasında qarşılıqlı hörmət və əməkdaşlıq yolu ilə beynəlxalq sülh və təhlükəsizliyin bərpa edilməsinin zəruriliyi vurğulanır.

Bu ölkələr, ölkələrin suverenliyinə, ərazi bütövlüyünə və siyasi müstəqilliyinə hörmət əsasında beynəlxalq asayişin qorunmasını, onların daxili işlərinə qarışmamağı və güc tətbiq etməmək təhdidini tələb edirdilər.

Bu ölkələrin liderləri nüvə silahının yayılmaması müqaviləsinin dəstəklənməsi, Ərəb Körfəzi Əməkdaşlıq Şurası regionunda kütləvi qırğın silahlarının yayılmasının qarşısının alınması, regional və beynəlxalq təhlükəsizlik və sabitliyin qorunması üçün İranın nüvə proqramının dinc xarakter daşımasının təmin edilməsinin vacibliyini vurğulayıblar.

Onlar bir daha İrandan Beynəlxalq Atom Enerjisi Agentliyi ilə tam əməkdaşlıq etməsini istəyiblər.

Körfəz Ərəb Əməkdaşlıq Şurası ölkələri ilə İran arasında mehriban qonşuluq və daxili işlərə qarışmamaq, ölkələrin müstəqilliyi, suverenliyi və ərazi bütövlüyünə hörmət prinsipinə riayət edilməsinin zəruriliyi qeyd ediblər.

Cavidan