GünAz TV: İran Mərkəzi Bankının rəhbəri Ədbülnasir Himməti rəhbərlik etdiyi qurumun 17 işçisinin koronavirusdan dünyasını dəyişdiyini bildirib.
O, həmçinin Bankın çoxlu sayda əməkdaşının karantində olduğunu deyib. Bu, İranda sözügedən epidemiyadan ölən bank sisteminin əməkdaşları ilə bağlı açıqlanan ilk rəsmi statistika hesab edilir.
Ötən günlər ərzində xəstələrin tədavisi ilə məşğul olan həkim və tibb bacıları arasında da koronavirus səbəbindən ölənlərin olduğu ilə bağlı məlumatlar yayılmışdı. İran hökuməti hələlik tibb işçiləri arasında ölüm faktları ilə bağlı rəqəmləri açıqlamasa da, qeyri-rəsmi mənbələr rəqəmin azı 30 nəfər olduğunu bildirirlər.
Bu gün yayılan digər xəbərlərdə isə Rəzəvi Xorasanı əyalətinin Polis İdarəsinin Siyasi Əqidə Təşkilatının rəhbəri Məhəmmədrza Təqəvinin, eləcə də Dövlət Teleradio Şirkətinin Qəzvin şöbəsinin "Bəsic" Təşkilatının rəhbəri Səid Xorşidi də koronavirusdan öldüyü deyilir.
Qeyd etmək lazımdır ki, İranda yayılması rəsmi olaraq fevralın 19-da elan edilən koronavirusa bu günə qədər rəsmi statistikalara görə, 10075 nəfər yoluxub. Virus qurbanlarının sayı isə 429 nəfərdir.
Ə.A
