GünazTV: Ötən ay İranda benzinin qiymətinin üç dəfə bahalaşmasına qarşı keçirilən etirazlarda rejim qüvvələrinin atəşi nəticəsində qətlə yetirilən etirazçılardan bəzilərinin cəsədləri sədlərdən və çaylardan tapılıb.
İrandakı hüquq müdafiəçilərinin yaydığı məlumata əsasən, etirazlarda qətlə yetirilən 5 nəfərin cəsədi ötən cümə günü Kürdüstan əyalətinin Sənəndəc şəhərinin Qışlaq səddində, 1 nəfərin meyiti Mərivanın Zəribar gölündə, 1 nəfərin cənazəsi həmin şəhərin Qaran səddində, bir neçə cəsəd də Əhvazın müxtəlif çaylarında tapılıb. Bildirilir ki, Mərivanın Qaran səddində tapılan cəsəd, son bir ayda itkin düşmüş 28 yaşlı mərivanlı gənc İrşad Rəhmaniyana məxsusdur. Cəsədin üzərində işgəncə əlamətlərinin aşkarlandığı qeyd olunur.
Hökumət qüvvələrinin odlu silahlardan açdığı atəş nəticəsində qətlə yetirilən gəncin meyitinin ailəsinə əhvil verlib-verilməməsi haqda hər hansı bir məlumat yayılmayıb.
Xatırladaq ki, noyabrın 15-dən başlayaraq, İranda hökumətin benzinin qiymətini üç dəfə artırmasına qarşı keçirilən kütləvi etirazlar və səsləndirilən şüarlar qısa zaman içində molla rejiminə qarşı yönəlib. Ölkənin 200-ə yaxın şəhərində keçirilən etirazlarda rejim qüvvələrinin dinc etirazçılara qarşı göstərdiyi misli görünməmiş vəhşilik və qəddarlıq dünya ictimaiyyətini şoka salıb. Belə ki, hökumət, “Sepah”, “Bəsic” və mülki geyimli təhlükəsizlik qüvvələrinin etirazçılara qarşı odlu silahlardan açdığı atəş nəticəsində 1000-dən çox insan qətlə yetirilib, 37 00 aksiyaçı güllə yarası alıb, Tehranda və digər şəhərlərdə 8 mindən çox etirazçı polis və mülki geyimli təhlükəsizlik qüvvələri tərəfindən həbs edilib.
Etirazlar zamanı həmçinin ən azı 7 “Sepah” və “Bəsic” muzdlusu, eləcə də 3 axund öldürülüb, birinə isə bədən xəsarəti yetirilib, cəhalət, xurafat və üfunət mərkəzi sayılan 15-ə yaxın dini mədrəsə (mollaxana) etirazçılar tərəfindən yandırılıb.
Molla rejiminin repressiya maşınını işə salmasına baxmayaraq, ölkədə yaşanan inqilabi vəziyyət və iri şəhərlərdə elan olunmamış fövqəladə vəziyyət rejimi davam edir.
A.M
