İranın Kirman əyalətində 6,1 bal gücündə zəlzələ baş verib

SON XƏBƏRLƏR

İranın Kirman əyalətində 6,1 bal gücündə zəlzələ baş verib

2021.10.20, 07:36

Gunaz.tv

GünAzTV: Dekabrın 1-də İranın Kirman əyalətinin Ravər şəhərinin Həcdək məntəqəsində 6,1 bal gücündə zəlzələ baş verib.

Zəlzələ, yerli vaxtla sübh saat 6:2 radələrində baş verib. Güclü Zəlzələ, Sircan, Zərənd və Kirman şəhərlərində də hiss olunub. İran Seysmoloji Mərkəzinin bildirdiyinə görə, zəlzələnin episentri Həcdək bölgəsinin 37 kilometrliyində, yerin 10 km dərinliyində qeydə alınıb. Yeraltı təkanların davam etdiyi fəlakət bölgəsinə xilasedicilərin cəlb edildiyi bildirilir. Qeyd olunur ki, ilkin məlumata görə, əyalətin Kuhək kəndində 122 ev zəlzələ nəticəsində tamamilə dağılıb. Zəlzələdə ölən və ya xəsarət alanlar barədə hər hansı bir məlumat yayılmayıb.

Xatırladaq ki, noyabrın 12-də İranın Kirmanşah əyalətində də 7,3 bal gücündə zəlzələ baş vermişdi. İraq sərhədinə yaxın bölgədə baş verən güclü zəlzələdə, ən azı 445 nəfərin həyatını itirmiş, 7370 nəfər isə müxtəlif dərəcəli bədən xəsarəti almışdı. Zəlzələ, minlərlə şəhər və kənd evlərinin dağılmasına gətirib çıxarmışdı.