İranlı axund: “Amerikanın bölgəyə göndərdiyi milyardlıq hərbi gəmisi bircə raketlə məhv ediləcək”

SON XƏBƏRLƏR

İranlı axund: “Amerikanın bölgəyə göndərdiyi milyardlıq hərbi gəmisi bircə raketlə məhv ediləcək”

2021.10.20, 07:36

Gunaz.tv

GünazTV: İranın “dini lideri”nin İsfahan əyalətindəki nümayəndəsi, İsfahan şəhərinin cümə namazının rəhbəri axund Yusif Təbatəbai Nejad, mayın 10-da namaz xütbələrindəki çıxışında Amerikanın təyyarə daşıyan “USS Abraham Lincoln” gəmisinin bölgəyə göndərilməsinə reaksiya verib.

O bildirib ki, əgər Amerika gəmisi İrana qarşı hər hansı bir addım atsa, İran raketlərinin kəskin atəşinə tuş gələcək: “Amerikanın təyyarə daşıyan milyardlıq hərbi gəmisi bircə raketlə məhv ediləcək. Əgər onlar (amerikalılar) bizə qarşı hərəkətə keçsələr, 10-larla raketlə cavab veriləcək. Çünki vəziyyət belə olan halda, iş artıq ehtiyatla tərpənən ölkə rəsmilərinin əlində olmayacaq. Belə bir durumda, hər şey əziz rəhbərimizin əlində olacaq və qərarı da o verəcək. Bir daha bildirirəm ki, biz hamımız rəhbərimizin arxasında dayanmışıq və düşmənlər də heç bir qələt edə bilməyəcəklər” –deyə axund Yusif Təbatəbai Nejad əlavə edib.

Qeyd ki, ABŞ prezidentinin milli təhlükəsizlik məsələləri üzrə müşaviri Con Bolton mayın 5-də jurnalistlərə açıqlamasında Amerikanın İranın bölgədə apardığı təxribat xarakterli fəaliyyətinə qarşı “USS Abraham Lincoln” gəmisinin və B-52 bombardımançı təyyarələrinin Yaxın Şərq bölgəsinə göndəriləcəyini bildirmişdi.